އަވައްޓެރި ސްރީ ލަންކާއަށް ކުރިމަތިވި ތޫފާނުގެ ހާދިސާއާ ގުޅިގެން އެހީވުމަށް "ސިލޯނާއެކު ދިވެހީން"ގެ ނަމުގައި ކުރިއަށް ގެންދިޔަ ޓެލެތޯނުން 11 މިލިއަން ރުފިޔާއަށްވުރެ ގިނައިން އެއްކޮށްފިއެވެ.
އިއްޔެ ހެނދުނު ފެށި މި ޓެލެތޯން މިއަދު އިރުއޮއްސުމާ ހަމައަށް ނިމުނުއިރު 11،015،854.65 ދިވެހި ރުފިޔާއާއި 43،681.31 ޑޮލަރު ވަނީ ލިބިފައެވެ. ރާއްޖޭގެ ގިނަ މީޑިއާތަކެއް ގުޅިގެން ހިންގި މި ހަރަކާތުގައި މާލެ، ހުޅުމާލެ އަދި ވިލިމާލޭގައި 18 ފަންޑު ފޮށި ބެހެއްޓިއެވެ.
މި ޓެލެތޯނަށް އެންމެ ބޮޑު އެހީއެއް ވެދިނީ ދިވެހި ފުލުހުންގެ ފަރާތުން 2.4 މިލިއަން ރުފިޔާއެވެ. ދިވެހި ސިފައިން އެއް މިލިއަން ރުފިޔާ، ޕީއެންސީ ޕީޖީން 300،000 ރުފިޔާ އަދި ބީއެމްއެލްއިން 25،000 ޑޮލަރު ހަދިޔާކުރިއެވެ.
ލަންކާއަށް އެރި ތޫފާނުގައި މިހާތަނަށް 334 މީހުން މަރުވެ، 400 އެއްހާ މީހުން ގެއްލިފައިވާއިރު، އެ ގައުމުގެ ތިންބައިކުޅަ އެއްބައި މީހުން ތިބީ ފެނާއި ކަރަންޓުން މަހުރޫމްވެފައެވެ.
ކޮމެންޓު ފޮނުވާ