މެދުރާއްޖެތެރެއަށް ވިއްސާރަ ކުރާނެކަމަށް ލަފާކޮށް ހުދު ސަމާލު ނެރެފި

މޫސުމާބެހޭ ގައުމީ އިދާރާ މެޓް އޮފީހުން، މެދުރާއްޖެތެރެއާއި ދެކުނަށް ވައިގަދަވެ ވިއްސާރަވާނެކަމަށް ލަފާކޮށް ހުދު ސަމާލު ނެރެފިއެވެ.

ކ އަތޮޅުން ފެށިގެން ގދ އަތޮޅާއި ހަމައަށް އޮތް ސަރަހައްދަށް މި ސަމާލު ނެރެފައިވަނީ މިއަދު ހެނދުނު 9:00 ން ފެށިގެން މެންދުރު 2:00 އަށެވެ.

މި ސަރަހައްދުތަކުގައި ބޯކޮށް ވާރޭވެހި ގުގުރާނެކަމަށާއި، ވިލާގަނޑުގައި ގަޑިއަކު 40 މޭލަށް ވައިގަދަވާނެކަމަށް މެޓް އޮފީހުން ލަފާކުރެއެވެ. މިވަގުތު މޫސުން ގޯސްވެފައިވާތީ ކަނޑުދަތުރުކުރާ ފަރާތްތަކުން މޫސުމަށް ސަމާލުކަންދީގެން ދަތުރުކުރުމަށް ކަމާބެހޭ ފަރާތްތަކުން އިލްތިމާސްކުރެއެވެ.

ކުރިއަށްއޮތީ ވިއްސާރަ ދުވަސްވަރަކަށްވާތީ މޫސުމީ ހާލަތަށް ރައްކާތެރިވުމަށް ފަރާތްތަކުން ވަނީ ގޮވާލައިފައެވެ.