އަންނަ ރަމަޟާން މަހު ޑޮމެސްޓިކް ރޭޓުން ބިލްކުރާ ކަރަންޓު ބިލުތަކުން ގިނަވެގެން ނަގާނީ 400 ރުފިޔާކަމަށް ރައީސް ޑރ. މުއިއްޒު ވިދާޅުވެއްޖެއެވެ. މީގެ އިތުރުން، ކުރީ އަހަރުތަކެކޭ އެއްގޮތަށް ކޮންމެ ގޭބިސީއަކަށް މަސްދަޅު ކޭސް ފޯރުކޮށްދޭނެކަމަށް ވެސް ރައީސް ޔަގީންކަން ދެއްވިއެވެ.
ރޭ ބޭއްވި ޕީއެންސީ ޖަލްސާގައި ވާހަކަދައްކަވަމުން ރައީސް ފާހަގަކުރެއްވީ، ރަމަޟާން މަހަކީ ރައްޔިތުންނަށް ޚަރަދު ބޮޑުވާ މަހަކަށްވާތީ، ސަރުކާރުން ލުއިފަސޭހަތައް ފޯރުކޮށްދޭން ނިންމާފައިވާކަމަށެވެ.
ރަމަޟާން މަހު ކަރަންޓު ބޭނުންކުރުން އިތުރުވުމާއެކު ބިލް ބޮޑުވުމަކީ ކޮންމެ އަހަރަކު ރައްޔިތުން ޝަކުވާކުރާ ކަމެކެވެ. ބައެއް ފަހަރު އާދައިގެ މަސްތަކަށްވުރެ ދެގުނައަށް ބިލް ބޮޑުވާކަމަށް ރައްޔިތުން ބުނަމުން އައިސްފައިވެއެވެ. ރައީސްގެ މި އިޢުލާނާއެކު، އަންނަ ރަމަޟާން މަހު ރައްޔިތުންނަށް މާލީގޮތުން ލިބޭނީ ބޮޑު ލުއެކެވެ.
ކޮމެންޓު ފޮނުވާ