ޖިނާއީ މައްސަލައެއްގައި ތުހުމަތު ކުރެވޭ މީހަކު ފުލުހުން ހޯދަން ފަށައިފި

ޖިނާއީ މައްސަލައެއްގެ ތަހުގީގަށް ސުވާލުކުރުމަށް ހދ.ކުޅުދުއްފުއްޓަށް އުޅޭ މީހަކު ހޯދަން ފުލުހުން ފަށައިފިއެވެ.

ގަލޮޅު ޕޮލިސް އިންވެސްޓިގޭޝަނުން ހޯދަމުންދަނީ ހދ.ކުޅުދުއްފުށީ، ނައިސްވޭ، މުޙައްމަދު އިމްތިޔާޒް (37އ) އެވެ. އޭނާގެ އައިޑީ ކާޑު ނަންބަރަކީ A147580 އެވެ. މި މީހާ އުޅޭ ވަކި ތަނެއް ނޭނގޭތީ ތަހުގީގަށް ހާޒިރުވުމަށް ދޫކުރި ޗިޓު ރައްދުކުރެވިފައި ނުވާކަމަށް ފުލުހުން ބުނެއެވެ. އެހެންކަމުން ގާނޫނީ އިޖުރާއަތުގެ ދަށުން ރައްޔިތުންގެ މެދުގައި އިއުލާނުކުރަން ޖެހިވަޑައިގެންފައިވާ ކަމަށް ފުލުހުން ހާމަކުރެއެވެ.

މުޙައްމަދު އިމްތިޔާޒް 2025 ނޮވެމްބަރު 6 ވަނަ ދުވަހުގެ ހަވީރު 2:30 ގެ ކުރިން ގަލޮޅު ޕޮލިސް ސްޓޭޝަނަށް ނުވަތަ ކައިރީގައިވާ ފުލުހުންގެ އެއްވެސް މަރުކަޒަކަށް ހާޒިރުވުމަށް ފުލުހުން އިލްތިމާސްކުރެއެވެ. މި އިއުލާން ކޮށްފައިވަނީ ޖިނާއި މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާއާ އެއްގޮތަށެވެ.