އަސުރުމާ ގޯޅީގައި ރޭ ހިނގި މާރާމާރީއެއްގައި ބައިވެރިވި ދެ ބިދޭސީއަކު ރާއްޖެއިން ބޭރުކުރަން ނިންމައިފިއެވެ. މި ހާދިސާ އިއްޔެ ރޭ 7:11 ހާއިރު ފުލުހުންނަށް ރިޕޯޓްކޮށްފައިވާ ކަމަށް އެ އިދާރާއިން ހާމަކުރިއެވެ.
މި ހާދިސާގައި ދެ ބިދޭސީންގެ މެދުގައި ހިނގި ހަމަލާތަކުގައި އެކެއްގެ ބޯފަޅައިގެންގޮސް ވަރަށް ބޮޑަށް އަނިޔާވެފައިވާ ކަމަށް ފުލުހުން ބުނެއެވެ. އަނިޔާވި ފަރާތަށް ހޮސްޕިޓަލްގައި ފަރުވާދެމުން އަންނަ ކަމަށްވެސް ވަނީ ބުނެފައެވެ.
މި މައްސަލައާ ގުޅިގެން ހާދިސާގައި ބައިވެރިވި ދެ ބިދޭސީންވެސް ހައްޔަރުކޮށް ތަހުގީގު ކުރަމުން ދަނިކޮށް އެ ދެ މީހުން ރާއްޖެއިން ބޭރުކުރުމަށް އިމިގްރޭޝަން އިދާރާއަށް ހަވާލުކޮށްފައިވާ ކަމަށް ފުލުހުން މިރޭ ހާމަކުރިއެވެ.
ކޮމެންޓު ފޮނުވާ