މޫސުމާބެހޭ ޤައުމީ މަރުކަޒުން މިރޭ، ރާއްޖޭގެ ބޮޑު ސަރަހައްދެއްގައި މޫސުން ގޯސްވާނެކަމަށް ލަފާކޮށް، ހއ. އަތޮޅުން ފެށިގެން ދ. އަތޮޅާ ހަމައަށް ހުދު ސަމާލެއް ނެރެފިއެވެ. މި ސަމާލުގެ މުއްދަތަކީ މިރޭ 20:30 އިން ފެށިގެން ދަންވަރު 02:30 ގެ ނިޔަލަށެވެ.
މި މުއްދަތުގައި އެ ސަރަހައްދުތަކަށް ބޯކޮށް ވާރެވެހި، ގުގުރުމާއެކު ވިލާގަނޑުގައި ގަޑިއަކު 40 މޭލުގެ ބާރުމިނުގައި ވައި ޖެހުން އެކަށީގެންވާކަމަށް ވަނީ ލަފާކުރައްވާފައެވެ.
މީގެ އިތުރުން، މޫސުމާބެހޭ ޤައުމީ މަރުކަޒުން ހާމަކުރައްވާފައިވާ ގޮތުގައި ކުރިއަށް އޮތް ތިން ދުވަހަކީވެސް ރާއްޖޭގެ އެކި ސަރަހައްދުތަކަށް މޫސުން ގޯސްވާނެ ދުވަސްތަކެކެވެ. އަދި އެ ދުވަސްތަކުގައި މޫސުން ގޯސްވުމާއެކު ރާއްޖޭގެ ހުރިހާ ސަރަހައްދެއްގެ ކަނޑުތައްވެސް ގަދަވާނެކަމަށް ލަފާކުރެވޭކަމަށް ވަނީ އަންގަވާފައެވެ.
އެހެންކަމުން، މޫސުން ގޯސްވެފައިވާ މި ދުވަސްތަކުގައި ކަނޑު ދަތުރުފަތުރު ކުރައްވާ ފަރާތްތަކުން ސަމާލުކަން ދެއްވުމަށް އެދިވަޑައިގެންފައިވެއެވެ.
ކޮމެންޓު ފޮނުވާ