އިދިކޮޅު އެމްޑީޕީން ކުރިއަށް ގެންދިޔަ މުޒާހަރާއަކީ ޤާނޫނު އަސާސީން ކަށަވަރުކޮށްދޭ އެއްވެ އުޅުމާއި ޚިޔާލުފާޅުކުރުމުގެ މިނިވަންކަން މި ސަރުކާރުން ކަށަވަރުކޮށްދޭކަން ދައްކުވައިދޭ ރީތި ނަމޫނާއެއް ކަމުގައި ސަރުކާރުގެ އިސް ތަރުޖަމާން ހީނާ ވަލީދު ވިދާޅުވެއްޖެއެވެ.
އެގޮތުން ހީނާ އެކްސްގައި ކުރެއްވި ޕޯސްޓެއްގައި ފާހަގަކުރެއްވި ގޮތުގައި، ޤާނޫނު ތަންފީޒުކުރާ އިދާރާތަކުގެ އެއްބާރުލުމާއެކު އިދިކޮޅު ފަރާތްތަކަށް މުޒާހަރާކުރުމުގެ ފުރުސަތު ދިނުމަކީ ރައީސް ޑރ. މުޙައްމަދު މުޢިއްޒުގެ ސަރުކާރުން ޤާނޫނު އަސާސީގެ ޙައްޤުތަކަށް އިޙްތިރާމް ކުރައްވާނެކަމުގެ ހެއްކެކެވެ. އަދި ރެއަކީ ޤާނޫނު އަސާސީގައި ބަޔާންކޮށްފައިވާ އެއްވެ އުޅުމާއި ޚިޔާލުފާޅުކުރުމުގެ މިނިވަންކަން ފަދަ އަސާސީ ޙައްޤުތައް މި ސަރުކާރުން ނަގަހައްޓާނެކަމުގެ ޔަގީންކަން ލިބިދިން ރެއެއް ކަމުގައިވެސް ވިދާޅުވިއެވެ.
The opposition rally tonight, with the presence of law enforcement, is a testament to how this Administration values rights enshrined in the Constitution, such as freedom of assembly and speech. President Dr @MMuizzu’s policy is to protect & ensure freedom of expression.
— Heena Waleed (@MvSpokesperson) January 31, 2025
މަހެއްހާ ދުވަހުގެ ތައްޔާރީތަކަށްފަހު، ޤާނޫނު އަސާސީގެ ދިފާޢުގައި އެމްޑީޕީން ކުރިއަށް ގެންދިޔަ މި މުޒާހަރާގައި އެ ޕާޓީގެ އިސް މެންބަރުންނާއި ގިނަ އަދަދެއްގެ އާންމު މެންބަރުން ބައިވެރިވެ، މާލޭގެ މަގުތަކުގައި ހިނގާލުން ކުރިއަށް ގެންގޮސްފައި ވެއެވެ.
ކޮމެންޓު ފޮނުވާ