ޓޫރިޒަމް މިނިސްޓްރީން އިއުލާންކުރި ތަފާސް ހިސާބުތަކަށް ބަލާއިރު، މިއަހަރުގެ ފަތުރުވެރިކަމުގެ މާކެޓުގައި އެންމެ އިސްސަފުގައި އޮތީ ރަޝިޔާއެވެ. މިމަހުގެ 12 ވަނަ ދުވަހާ ހަމައަށް ރަޝިޔާއިން 12,054 ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ.
ރާއްޖޭގެ ފަތުރުވެރިކަމުގެ މާކެޓުގެ ދެވަނަ ހިއްސާދާރަކީ އިޓަލީވިލާތެވެ. އެޤައުމުން 9,478 ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. އަދި ޓޮޕް 10 މާކެޓުގެ ތިންވަނައިގައި އިނގިރޭސިވިލާތް އޮތްއިރު، ހަތަރުވަނައިގައި ވަނީ ޗައިނާއެވެ. ފަސްވަނައިގައި ވަނީ ޖަރުމަނުވިލާތެވެ. އަދި ހަވަނައާއި ހަތްވަނައިގައި ވަނީ އިންޑިއާ އާއި އެމެރިކާއެވެ.
މިއަހަރުގެ މިހާތަނަށް ޖުމުލަ 77,727 ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. މިއީ މިދިޔަ އަހަރުގެ މިމުއްދަތާ އަޅާބަލާއިރު 12.2 އިންސައްތައިގެ ކުރިއެރުމެކެވެ. ޒިޔާރަތްކުރި ފަތުރުވެރިންގެ ތެރެއިން 69.5 އިންސައްތަ މީހުން ޗުއްޓީ ހޭދަކޮށްފައިވަނީ ރިސޯޓުތަކުގައެވެ.
