ސިފައިންގެ ޚިދުމަތުގައި ދިގު މުއްދަތަކަށް ޚިދުމަތް ކުރެއްވު ނަޖާހު ފެނަކައިގެން އެމްޑީގެ މަގާމަށް އައްޔަން ކުރައްވައިފި

ސިފައިންގެ ޚިދުމަތުގައި ދިގު މުއްދަތަކަށް ޚިދުމަތް ކުރެއްވު ނަޖާހު ފެނަކައިގެން އެމްޑީގެ މަގާމަށް އައްޔަން ކުރައްވައިފި

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން (ޕީސީބީ) މިއަދު ފެނަކަ ކޯޕަރޭޝަންގެ މެނޭޖިންގ ޑިރެކްޓަރުގެ މަގާމަށް އެމްއެންޑީއެފްގައި ދިގު މުއްދަތެއް ވަންދެން ޚިދުމަތްކުރެއްވި ހ. ޔެލޯ ރޯޒް، މުޙައްމަދު ނަޖާޙު އައްޔަންކޮށްފިއެވެ.

ލޮޖިސްޓިކްސް މެނޭޖުމަންޓުގެ ދާއިރާއިން މާސްޓާސް ހާސިލުކުރައްވާފައިވާ ނަޖާޙަކީ 21 އަހަރު ވަންދެން ސިފައިންގޭގައި ޚިދުމަތްކުރައްވާފައިވާ ބޭފުޅެކެވެ. މި މަގާމަށް ނަޖާޙު އައްޔަންކުރެއްވީ، މިދިޔަ އަހަރުގެ ނޮވެމްބަރު 28 އިން ފެށިގެން އެ މަގާމު ފުރުއްވަމުން ގެންދެވި މުއާޒު މުޙައްމަދު ރަޝީދު މިއަދު އިސްތިއުފާ ދެއްވުމާ ގުޅިގެންނެވެ.

މުއާޒު އިސްތިއުފާ ދެއްވާފައިވަނީ ފެނަކައިގެ ކަންކަން އިތުރަށް ރަނގަޅު ކުރެވޭނެ އަލިމަގެއް ފެންނަން ނެތުމުންނެވެ. އޭނާގެ އިސްތިއުފާ ސިޓީގައި ފާހަގަކުރައްވާފައިވާ ގޮތުގައި، ކުންފުންޏަށް ލިބޭ އާމްދަނީއަށްވުރެ ކުރަންޖެހޭ ޚަރަދު ބޮޑުވުމުގެ ސަބަބުން ދެމެހެއްޓެނިވި ގޮތެއްގައި ޚިދުމަތް ފޯރުކޮށް ނުދެވޭ ހާލަތަށް ވަނީ ވެއްޓިފައެވެ.

ރަށްރަށުގެ ފެނާއި ކަރަންޓު އަދި ނަރުދަމާގެ ޚިދުމަތް ދިނުމަށް އުފައްދާފައިވާ މި ކުންފުނީގެ މެނޭޖިންގ ޑިރެކްޓަރުކަން ކުރެއްވި މުއާޒު ވަނީ މި މަހުގެ ކުރީކޮޅު ވެސް ފެނަކަ އިނދަޖެހި، އެ ކުންފުންޏާއިގެން ކުރިއަށް ދެވޭނެ ގޮތެއް ނެތްކަމުގެ އިންޒާރު ދެއްވާފައެވެ. އަދި އިސްތިއުފާގެ ސިޓީގައި އޭނާ ވިދާޅުވެފައިވަނީ މިދިޔަ އެއް އަހަރުގެ ތެރޭގައި މަސައްކަތް ކުރެއްވީ ގިނަ ގޮންޖެހުންތަކާ އެކުގައި ކަމަށާއި، ޚިދުމަތްތައް މެދުނުކެނޑި ރައްޔިތުންނަށް ފޯރުކޮށްދިނުމަށްޓަކައި ކުރެއްވި މަސައްކަތުން އެދެވޭ ނަތީޖާއެއް ހާސިލް ނުކުރެވުނު ކަމަށެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *