ބަހްރެއިންގެ ޤައުމީ ދުވަހުގެ މުނާސަބަތުގައި، އެ ޤައުމުގެ ރަސްގެފާނު ހަމަދް ބިން ޢީސާ އަލް-ޚަލީފާއަށާއި، ބޮޑުވަޒީރު ވަލީއަޙުދު ޚަލީފާ ބިން ސަލްމާން އަލް-ޚަލީފާއަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ތަހުނިޔާ ވިދާޅުވެ މެސެޖް ފޮނުއްވައިފިއެވެ.

‎‏ރައީސުލްޖުމްހޫރިއްޔާ، އެބޭބޭފުޅުންނަށް ވަކިވަކިން ފޮނުއްވި މެސެޖުގައި، ދިވެހި ސަރުކާރާއި ރައްޔިތުންގެ ނަމުގައި، އަދި ‏‏‏ރައީސުލްޖުމްހޫރިއްޔާގެ އަމިއްލަ ނަންފުޅުގައި، ބަހްރެއިންގެ ރަސްގެފާނަށާއި، ބޮޑުވަޒީރަށާއި، އެ ޤައުމުގެ ސަރުކާރަށާއި، އަޚްވަންތަ ރައްޔިތުންނަށް ހޫނު މަރްޙަބާއެއް ވިދާޅުވެ، ޤައުމީ ދުވަހުގެ ހެޔޮއެދުންތައް ފޮނުއްވާފައިވެއެވެ. އަދި ރާއްޖެއާއި ބަހްރެއިނާ ދެމެދުގައި އުފެދިފައިވާ ގާތް އަޚްވަންތަ ގުޅުން، ކުރިއަށް އޮތް އަހަރުތަކުގައި ‏‏އިތުރަށް ބަދަހިވެގެންދާނެކަން ޔަޤީންކުރައްވާ ކަމުގައި ‏‏ވިދާޅުވެފައިވެއެވެ.

‎އެމަނިކުފާނުގެ މެސެޖު ނިންމަވާލައްވާފައިވަނީ، ރަސްގެފާނު ހަމަދް ބިން ޢީސާ އަލް-ޚަލީފާއަށާއި، ބޮޑުވަޒީރު ވަލީއަޙުދު، ޚަލީފާ ބިން ސަލްމާން އަލް-ޚަލީފާއަށް ފުރިހަމަ ޞިއްޙަތަކަށް އެދިވަޑައިގެން، ޤައުމުގައި އަމާންކަމާއި ފާގަތިކަން ދެމެހެއްޓުމަށް އެދިވަޑައިގަންނަވަމުންނެވެ.

‎ބަހްރެއިންގެ ޤައުމީދުވަސް ފާހަގަކުރަނީ ކޮންމެ އަހަރެއްގެ ޑިސެމްބަރ މަހުގެ 16ވަނަ ދުވަހުއެވެ. ބަހްރެއިނާއި ދިވެހިރާއްޖެއާއި ދެމެދު ސިޔާސީ ގުޅުން ޤާއިމްކޮށްފައިވަނީ މާޗް 24، 1980ވަނަ އަހަރުއެވެ.