އާންމުން ވަދެ ސީރިއާގެ ދިމިޝްޤުގައި ހުރި އަސަދުގެ ރިޔާސީ ގަނޑުވަރު ލޫޓުވާލައިފި

ހުސައިން

09 ޑިސެމްބަރ 2024 12:21

ފަހުގެ ޚަބަރު

9 ގަޑިއިރު ކުރިން

ހަފުތާއެއްގެ ތެރޭގައި ދެވަނަ ފަހަރަށް ޔޫރަޕްގެ ފްލައިޓުތަކަށް ބޮމުގެ އިންޒާރު

9 ގަޑިއިރު ކުރިން

އީރާން ހަނގުރާމައާ މެދު ޓްރަމްޕްގެ ސަރުކާރުގައި ބައިބައިވުން

9 ގަޑިއިރު ކުރިން

ޑްރަގް އެތެރެކުރި މީހެއްގެ ހޮޓެލް ބުކިންއަށް ފައިސާ ދެއްކި ދިވެއްސަކު 18 އަހަރަށް ޖަލަށް

9 ގަޑިއިރު ކުރިން

2027 ގެ ބަޖެޓު ނޮވެމްބަރު 19 ގެ ކުރިން ދިރާސާކޮށް ނިންމަން ކޮމިޓީން ނިންމައިފި

9 ގަޑިއިރު ކުރިން

ރޮނާލްޑޯ ބައިނަލްއަގުވާމީ ފުޓުބޯޅައަށް އަލްވަދާޢު ކިޔައިފި

އަސަދު ރަޝިއާއަށް ފިލައިގެން ދިއުމަށްފަހު، ސީރިއާގެ ރައްޔިތުން ދިމިޝްޤުގައި ހުރި އޭނާގެ ގެކޮޅަށް ވަދެ އެތަން ލޫޓުވައިފިއެވެ. ވީޑިއޯތަކުން ދައްކާގޮތުން، އިދިކޮޅު ހަނގުރާމަވެރިންނާ އާންމު ރައްޔިތުން އަސަދުގެ ކުރީގެ ގެކޮޅުތަކަށް ވަދެ، ބައްޝާރުލް އަސަދު ދިރިއުޅުއްވި މުއްސަނދި ދިރިއުޅުމުގެ ތަޖުރިބާތައް މިހާރުވަނީ ލޮލުން ދެކެފައެވެ.

ސޯސަލް މީޑިއާގައި މިހާރު އާންމު ވެފައިވާ ވީޑިއޯތަކުން ފެންނަ ގޮތުގައި، ކުޑަކުދިން އަލް-ރައުދާ ރިޔާސީ ގަނޑުވަރަށް ވަދެ އުޅުނުއިރު، ފިރިހެނުން އެތަނުން ފަރުނީޗަރު ހިފައިގެން ނުކުންނަ ތަން ފެނެއެވެ. ހަތިޔާރު ހިފައިގެން ހުރި މީހަކުވެސް ގަނޑުވަރު ތެރެއިން ފެންނާން ހުރެއެވެ.

ސީއެންއެންއިން އާންމު ކޮށްފައިވާ ވީޑިއޯއެއްގައި، "ރިޔާސީ ގަނޑުވަރެއް" ކަމަށް ބުނާ ދިމިޝްޤުގެ އަލް މަލިކީ ސަރަހައްދުގައި ހުރި ގެއެއްގެ ބަދިގެއަށް އަންހެނަކު ވަދެގެން އުޅޭ މަންޒަރުވެސް ވީޑިއޯއިން ދައްކައެވެ.

އެންމެ މަތީ ފަންތޫގެ ބަދިގޭގައި އިންޑަސްޓްރިއަލް ފްރީޒަރަކާއި، ޕިއްޒާ އަވަނެއް ހުއްޓެވެ. ބަދިގޭގައި މޭވާ، ތަރުކާރީ، އަދި މަސް ބަދިގޭގައި ފެންނާން ހުރިއިރު، މި މުއްސަނދިކަން ގިނަ ބަޔަކުވަނީ، ހަނގުރާމަ އާންމުވެ ބަނޑުހައިހޫނުކަން އާންމުވެފައިވާ، ޔޫއެންގެ މަޢުލޫމާތުން ދައްކާގޮތުން ގާތްގަނޑަކަށް 13 މިލިއަން މީހުންނަށް ކާބޯތަކެތީގެ ރައްކާތެރިކަން ނެތް ޤައުމެއްގައި ފެންނާންހުރި ބޮޑު ތަފާތެއްގެ ގޮތުގައިވެސް ގިނަބަޔަކު ސިފަ ކޮށްފައި ވެއެވެ.

މި ރިޔާސީ ގަނޑުވަރުގެ ބަދިގޭގައި ހުރި ނޯޓުފޮތެއްގައި "މަޑަމްއަށް" އަދި "ބޮސްއަށް"ކަމަށް ނޯޓު ކޮށްފައިވާ ކާނާގެ މެނޫއެއް ހުރި އިރު، އެމީހުންގެ ކެއުމުގެ ޝައުޤުވެރިކަމާއި، ކާނާ ތައްޔާރުކުރާ ގޮތުގެ ތަފްސީލުވެސް ހިމަނާފައި ވެއެވެ.

އިދިކޮޅު ފަރާތްތަކުން ގެނައި އަސްކަރީ އިނގިލާބެއްގައި ވެރިކަމުން ދުރުކުރެވިފައިވާ، ސީރިއާގެ ރައީސް މައްޝާރުލް އަސަދުއަށް ރަޝިއާއިން ސިޔާސީ ހިމާޔަތް ދީފައިވާކަމަށް އެގައުމުގެ ލޯކަލް މީޑިއާތަކުން މިހާރުވަނީ ރިޕޯޓު ކޮށްފައެވެ.

ރަޝިއާގެ މީޑިއާތަކުން ރިޕޯޓު ކޮށްފައިވަނީ، ސީރިއާގެ ކުރީގެ ރައީސް ބަޝާރް އަލް-އަސަދް މިހާރު އޭނާގެ އާއިލާއާއެކު މޮސްކޯގައި ހުރިކަމަށާއި، އިންސާނީ އަސާސްތަކުގެ މައްޗަށް ބިނާކޮށް ރަޝިއާއިން އޭނާއަށް ހިމާޔަތްދީފައިވާ ކަމަށެވެ. މިމައުލޫމާތުތައް ވަނީ އާދިއްތަ ދުވަހު ކްރެމްލިންގެ މަސްދަރަކުން ރަޝިއާގެ ނޫސްތަކަށް މައުލޫމާތު ދީފައިވާކަމަށް ރިޕޯޓު ކޮށްފައިވެއެވެ. އަދި ރަޝިއާގެ އަސްކަރީ ބޭސްތަކުގެ ސަލާމަތާއި ރައްކާތެރިކަން ކަށަވަރުކުރުމަށް އެއްބަސްވުމަކަށް ވާސިލްވެފައިވާކަމަށްވެސް ރިޕޯޓު ކޮށްފައި ވެއެވެ.

އާދިއްތަ ދުވަހު ސީރިއާގެ އިދިކޮޅު ހަނގުރާމަވެރިންވަނީ ދިމިޝްޤަށް އެއްވެސް ދެކޮޅުހެދުމެއްނެތި ވަދެފައެވެ. އެއާއެކު އަސަދުގެ އާއިލާގެ ގާތްގަނޑަކަށް 06 އަހަރުވީ ހަރުކަށި ވެރިކަމަށް ނިމުމެއް އައިސްފައިވެއެވެ.

އަދި އަސަދު ސީރިއާ ދޫކޮށް، ސުލްހަވެރިކަމާއެކު ބާރު ބަދަލުކުރުމަށް އަމުރުކޮށްފައިވާކަމަށް ރަޝިއާގެ ފޮރިން މިނިސްޓްރީން ކުރިން ބުނެފައިވެއެވެ. "ސީރިއާގެ ރައީސް އަސަދާއި އޭނާގެ އާއިލާގެ މެންބަރުން މޮސްކޯއަށް ވަޑައިގެންފައިވޭ. ރަޝިއާއިން އިންސާނީ އަސާސްތަކުގެ މައްޗަށް ބިނާކޮށް އެފަރާތްތަކަށް ހިމާޔަތްދީފައިވޭ،" އިންޓަރފެކްސް ނޫސް އޭޖެންސީ އިން ރަޝިއާ ސަރުކާރުގެ މީޑިއާތަކާއި އަދި ހާމަނުކުރާ ކްރެމްލިންގެ މަސްދަރުތަކާއި ހަވާލާދީ ބުނެފައިވެއެވެ.

މޮސްކޯއިން ދިގު މުއްދަތެއްގެ ތެރޭގައި އަސަދަށް އެހީތެރިވެދިން ސީރިއާއަށް، ސިޔާސީ ހައްލެއް ގެނައުމަށް ރަޝިއާއިން ތާއީދުކުރާކަމަށްވެސް އިންޓަރފެކްސްއިން ކްރެމްލިން މަސްދަރުތަކާއި ހަވާލާދީ ބުނެފައިވެއެވެ.