ސްޓެލްކޯ އިން އިންތިޒާމުކޮށްގެން ކުޑަކުދިންގެ ހަވީރެއް ބާއްވަން ނިންމައިފިއެވެ.
މިއީ ސްޓެލްކޯ ބިޒްނަސް ސެންޓަރު އިމާރާތް ކުރުމުގެ މަސައްކަތް ވަރަށް ފުރިހަމަ ކަމާއެކުގައި މުވައްޒަފުން ކޮށްފައިވާތީ އެ މަސައްކަތް ދައްކާލުމަށް ބާއްވާ ކުޑަކުދިންގެ ހަވީރެކެވެ.
ސްޓެލްކޯ އިން "އެކްސް" ގައި ކުރި ޕޯސްޓެއްގައި ބުނީ ވޭތުވެދިޔަ ހަ މަސް ދުވަހު ސްޓެލްކޯގެ މުވައްޒަފުން ވަރަށް ބުރަކޮށް މަސައްކަތްކޮށް، ސްޓެލްކޯ ބިޒްނަސް ސެންޓަރު އިމްރާތް ކުރުމުގެ މަސައްކަތް ވަރަށް ފުރިހަމައަށް ނިންމާފައިވާ ކަމަށެވެ.
އެ މުވައްޒަފުންގެ ހިތްވަރާއި ޖޯޝާއި މަސައްކަތުގެ ނަމޫނާ އަހުލާގު ފާހަގަކޮށް، އެ މުވައްޒަފުންގެ ހުނަރުވެރިކަން އެ މުވައްޒަފުންގެ އާއިލާތަކަށް ދައްކާލުމާއި، އެ އާއިލާތަކުގެ ކުޑަކުދިންގެ އިތުރުން ހުރިހާ ކުޑަކުދިންނަށް ހުޅުވާލައިގެން ޚާއްސަ ކުޑަކުދިންގެ ހަވީރެއް ބާއްވަން ނިންމާފައިވާ ކަމަށް ސްޓެލްކޯ އިން ބުންޏެވެ.
މި ކުޑަކުދިންގެ ހަވީރު ބާއްވަނީ މާދަމާ ހަވީރު 4:00 އިން 6:00 އަށް އަދި އަދި ރޭގަނޑު 8:00 އިން 9:30 އަށް ސްޓެލްކޯ ބިޒްނަސް ސެންޓަރު އިމާރާތުގައެވެ.
