ރާއްޖޭގެ ކަނޑުގެ ސަރަހައްދަށް ގަވައިދާ ހިލާފަށް ވަދެ، 468 ކިލޯގެ މަސްތުވާތަކެތި އެތެރެކުރަން އުޅުނު މައްސަލައިގައި ހައްޔަރުކުރި ސްރީ ލަންކޭގެ ފަސް މީހުންގެ ބަންދަށް 30 ދުވަސް ޖަހައިފިއެވެ.
މި މައްސަލާގައި ހައްޔަރުކުރީ
- ރާޖްޕަކްޝަ ގެމަގޭ ދެނޫޝަ މަޑުމަލް، 21،
- މުއްތިމާ ޕަޓަބިންދިގޭ އަމިޝްކް ސަންޖީވަ ކުމާރު، 22،
- ތަމޮދް ތިވަންގާ ދިލަކާވަ، 22،
- ލޮރެންސު ހޭވާގީ ސަރަތު، 56،
- ވިޖޭވަރު ގުނަރަތުނާ މަހާވިދޯމާ، 37،
މި މީހުންގެ ބަންދާ މެދުގައި ގޮތެއް ނިންމުމަށް ކުޅުދުއްފުށި ސިޓީ މެޖިސްޓްރޭޓް ކޯޓަށް ހާޒިރު ކުރުމުން ބަންދަށް ވަނީ އެއް މަސް ދުވަހުގެ މުއްދަތެއް ޖަހައިފައެވެ.
މި މީހުން ހައްޔަރުކުރީ ނޮވެންބަރު 23 ވަނަ ދުވަހުގެ ރޭ ހދ. މަކުނުދޫ ބޭރުން އަތުލައިގަތް "އަށެންޕުތަ" ނަމަކަށް ކިޔާ ސްރީލަންކާގެ މަސްބޯޓުންނެވެ. އެ ބޯޓު ބަލައި ފާސް ކުރިއިރު، 344 ކިލޯގެ ކްރިސްޓަލް މެތު އަދި 124.6 ކިލޯގެ ކޮކެއިން ފެނިފައިވެއެވެ.
މި މައްސަލަ ފުލުހުންގެ ޑްރަގް އެންފޯސްމަންޓާއި ކުޅުދުއްފުށި ސިޓީ ޕޮލިސް ގުޅިގެން ގެންދަނީ ތަހުގީގު ކުރަމުންނެވެ.
