ހުޅުމާލޭގައި ތޫނު އެއްޗަކުން ފުލުހަކަށް ހަމަލާދޭން އުޅުނު މީހާގެ ވަނަވަރު އާންމުކޮށްފިއެވެ.
ފުލުހުން ބުނި ގޮތުގައި މި މައްސަލައާ ގުޅިގެން ހައްޔަރު ކުރީ އދ. ދަނގެތި، ލިލީގެ، ހުސެއިން ފާއިޒް 33، އެވެ.
އެ މައްސަލައާ ގުޅިގެން ފާއިޒު ހައްޔަރުކުރީ އިއްޔެ އިރުއޮއްސި 6:30 ހާއިރެވެ.
ފުލުހުން ބުނީ އެ ވަގުތު އެމީހާ ހުއްޓުވަން އުޅުނު ފުލުހަކަށް ވެސް ހަމަލާދޭން މަސައްކަތްކޮށްފައިވާ ކަމަށެވެ.
ފުލުހުން އަންނަނީ މި މައްސަލަ އިތުރަށް ތަހުގީގުކުރަމުންނެވެ.
މި މީހާ ހިފަހައްޓައިގެން އުޅޭ މަންޒަރު ފެންނަ ވީޑިއޯއެއް ސޯޝަލް މީޑިއާގައި އާންމުވެފައިވެއެވެ. ދެ ފުލުހަކު އެ މީހާ ހިފަހައްޓައިގެން ބިޑި އަޅުވާފައި ތިބި އިރު އެ މީހާ އަމިއްލައަށް "މަ މިއީ ނަފްސާނީ ބަލި މީހެކޭ" ބުނާ އަޑު އިވެއެވެ.
