ގަވާއިދާ ޚިލާފަށް ރާއްޖޭގައި ދިރިއުޅޭ ބިދޭސީން ހޯދުމަށް ކުރިއަށްގެންދާ ޚާއްޞަ އޮޕަރޭޝަނުގެ ދަށުން މިއަދު ހުޅުމާލެއިން 9 ބިދޭސީން ވަނީ ހައްޔަރުކުރެވިފައެވެ.
މޯލްޑިވްސް އިމިގްރޭޝަން އިން މިއަދު ހުޅުމާލޭގައި ހިންގި މި އޮޕަރޭޝަނުގައި 10 ތަނެއް ވަނީ ބަލައި ފާސްކުރެވިފައެވެ. މި އޮޕަރޭޝަނުގެ ތެރެއިން ފެނުނު 9 ބިދޭސީން މިހާރު ވަނީ އިމިގްރޭޝަންގެ ބެލުމުގެ ދަށަށް ގެނެވިފައެވެ.
އިމިގްރޭޝަނުން ބުނީ މި ބިދޭސީންނަކީ ގަވާއިދާ ޚިލާފަށް ރާއްޖޭގައި ދިރިއުޅެމުންދިޔަ ބައެއް ކަމަށެވެ. އަދި މިފަދަ އޮޕަރޭޝަންތައް ކުރިއަށް އޮތް ތަނުގައިވެސް ހިންގާނެ ކަމަށް އެ އިދާރާއިން ބުނެފައިވެއެވެ.
ގަވާއިދާ ޚިލާފަށް ރާއްޖޭގައި ދިރިއުޅޭ ބިދޭސީންގެ މައްސަލައަކީ ދިވެހިރާއްޖެއަށް ދިމާވެފައިވާ އެންމެ ބޮޑު އެއް މައްސަލައެވެ. މި މައްސަލަ ޙައްލުކުރުމަށް ސަރުކާރުން ގިނަ މަސައްކަތްތަކެއް ކުރަމުން ދިޔަ ނަމަވެސް، އަދިވެސް ގަވާއިދާ ޚިލާފަށް އުޅޭ ބިދޭސީންގެ އަދަދު ވަރަށް ގިނަ ކަމަށް ބެލެވެއެވެ.
ކޮމެންޓު ފޮނުވާ