މާލޭގެ މަޖީދީ މަގުގައި ޒަހަމްތަކަކާއެކު އޮތް މީހަކު ފެނިގެން އައިޖީއެމްއެޗްގައި ފަރުވާދީފިއެވެ.
ފުލުހުން ބުނީ މަޖީދީ މަގު "ސޮރީ ބޯއިސް" ފިހާރަ ކުރިމަތީގައި އަނިޔާތަކެއް ލިބިފައި އޮތް ފިރިހެނަކު އޮތް ކަމަށް ރޭ 1:25 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ. އަދި އޭނާ އައިޖީއެމްއެޗްއަށް ގެންގޮސް ފަރުވާ ދިނުމަށްފަހު، މިއަދު 6:19 ހާއިރު ދޫކޮށްލި ކަމަށް ފުލުހުން ބުންޏެވެ.
އެމީހާއަށް ލިބުނު އަނިޔާތަކުގެ ތަފްސީލެއް އަދި ނުލިބެއެވެ.
އެމީހާ މަޖީދީ މަގަށް ވެއްޓިފައި އޮއްވައި ނަގާފައިވާ ވީޑިއޯއެއް ސޯޝަލް މީޑިއާގައި ދަނީ ދައުރުވަމުންނެވެ. އެ ވީޑިއޯގައި އެކަކު ބުނި ގޮތުގައި އޭނާއަށް އަނިޔާވީ މާރާމާރީއެއްގައެވެ.
