އިންޑިއާގެ މަޝްހޫރު އެކްޓުރެސް އަދި މޮޑެލް ގޯހަރް ޚާން އަދި ސޯޝަލް މީޑިއާ ތަރި ޒައިދް ދާރްބާރް ކައިވެނިކޮށްފި އެވެ.
ގޯހަރް ޚާން އޭނާގެ އިންސްޓާގުރާމުގައި އެދެމީހުންގެ ކައިވެނީގެ ފޮޓޯތައް ހިއްސާކުރަމުން "ޤަބޫލު ހޭ" މިހެން ލިޔެފައިވެއެވެ. މި ފޮޓޯތަކުގައި ގޯހަރް އަދި ޒައިދް ލައިގެން ހުރީ އެއްކުލައިގެ އެއްކަހަލަ ހެދުމެވެ. އަދި މިތަނުން އެއް ފޮޓޯގައި ޒައިދް ގޯހަރްގެ ނިތްކުރީގައި ބޮސްދެނިކޮށް ފެނެއެވެ. ގޯހަރް ލައިގެން ހުރީ ވަރަށް ޖަރީކޮށްފައިވާ ހުދުކުލައިގެ ސޫޓެކެވެ. އަދި ޒައިދް ލައިގެން ހުރީ ގޯހަރްގެ ހެދުމާއި ގުޅޭ ޝޭރްވާނީއެކެވެ. މި ކައިވެނީގައި ބައިވެރިވެފައި ވަނީ ހަމައެކަނި ދެފަރާތުގެ އާއިލާއިންނާއި ގާތްރައްޓެހިންނެވެ.
View this post on Instagram
އިންޑިއާގެ ސަގާފަތުގައި އޮންނަ ކައިވެނީގެ ހަފްލާތަކުގެ ތެރެއިން ގޯހަރް އާއި ޒައިދްގެ ކައިވެނީގެ ހަފްލާތައް ފަށާފައިވަނީ ހޯމަ ދުވަހުއެވެ. އަދި އެންމެ ފަހުގެ ހަފްލާ ބާއްވާފައި ވަނީ އިއްޔެ އެވެ.
ޒައިދް ދާރްބާރްގެ ބޭބެ އަވޭޒް ދާރްބާރް ވަނީ ދާރްބާރް އާއިލާއަށް މަރުހަބާ ކިޔާ އިންސްޓަގްރާމްގައި ކޮމެންޓުކޮށްފަ އެވެ. ހަމައެއާއެކު ޒައިދްގެ ކޮއްކޮ އަނަމް ދާރްބާރްވެސް ފަހަރި އޭ ބުނެ ކޮމެންޓުކޮށްފައި ވެއެވެ. އަދި މަޝްހޫރު ތަރިން ކަމަށްވާ ހީނާ ޚާން އަދި ލަވަކިޔުންތެރިޔާ ޓޯނީ ކައްކަރުވެސް އެމީހުންނަށް ތަހުނިޔާ ކިޔާފައިވެއެވެ.
ގޯހަރް ޚާން އެންމެފަހުން ފެނިފައިވަނީ ރިއަލިޓީ ޝޯވ "ބިގްބޮސް 14″ ގައި ހާއްސަ ބައިވެރި އެއްގެ ގޮތުގައި ސިދާތު ޝުކުލާ އަދި ހީނާ ޚާންއާ އެކީގައެވެ. ގޯހަރް ވަނީ "ބިގް ބޮސް" ގެ 7 ވަނަ ސީޒަން ކާމިޔާބުކޮށްފަ އެވެ.
