ސްޕޯޓްސް ކާރެއް ހިމެނޭ އެކްސިޑެންޓެއް ހިނގުމުގެ ސަބަބުން، އެތުލީޓުންގެ ކެރިއަރާއި މުސްތަގުބަލަށް ހުރަސްއެޅިގެން ނުވާނެ ކަމަށް ރޭސިން އެސޯސިއޭޝަނުން ބުނެފިއެވެ.
ރޭސިން އެސޯސިއޭޝަނުން "އެކްސް" ގައި ކުރި ޕޯސްޓެއްގައި ބުނީ ރޭސިން ކޮމިއުނިޓީގައި ހިމެނޭ ކޮންމެ މީހަކު ގަވާއިދާ ހިލާފަށް ކުރާ ކޮންމެ ކަމަކަށް ޖަވާބުދާރީ ކުރުވައި ޒިންމާދާރުކަމާއެކު ދުއްވުމަށް ބާރުއަޅަން މަސައްކަތްތަކެއް ކުރެވިފައިވާ ކަމަށެވެ. "އަޅުގަޑުމެން އަޒުމް ކަނޑައަޅައިގެން މިތިބީ ރާއްޖޭގައި ރައްކާތެރިކަމާއެކު ގަވާއިދާ އެއްގޮތަށް މޮޓޯ ސްޕޯޓްސް އިސްތިހާރު ކުރުމަށް،" ރޭސިން އެސޯސިއޭޝަނުން އެކްސްގައި ކުރި ޕޯސްޓުގައި ބުނެފައި ވެއެވެ.
We have been dedicated to promoting safe and regulated motorsport in the Maldives. Our 307 athletes participate in controlled events, showcasing their skills while adhering to strict guidelines 1/3
— 🇲🇻 Racing Association Of The Maldives 🏁 (@RAM_Maldives) September 6, 2024
އެ އެސޯސިއޭޝަނުން ބުނީ 307 ރޭސިން އެތުލީޓުން ބައިވެރިވަމުން އަންނަނީ ކޮންޓްރޯލް ކުރެވިފައިވާ އިވެންޓުތަކެއްގައި ކަމަށާއި އެ އިވެންޓުތައް ވެސް ކުރިއަށް ގެންދަނީ ވަރަށް ހަރުކަށި ގައިޑްލައިންތަކާއެކު ކަމަށެވެ.
އެ އެސޯސިއޭޝަނުން ކަންބޮޑުވުން ފާޅުކުރީ ރޭސިންއަށާއި ޑްރިފްޓިންއަށް ހުޅުމާލެއިން ދޫކޮށްފައި އޮންނަ ސަރަހައްދު އަތުލަން ރައީސް ޑރ. މުހައްމަދު މުއިއްޒު ނިންމެވުމާ ގުޅިގެންނެވެ. ރައީސް މިގޮތަށް ނިންމެވީ ނުރައްކާތެރިކޮށް އުޅަނދުފަހަރު ދުއްވާ މީހުންނަށް ހަރުކަށި ފިޔަވަޅުތަކުގެ ތެރެއިންނެވެ. ސަރުކާރުން މި ފިޔަވަޅުތައް އަޅަން ނިންމީ ހުކުރު ދުވަހު ހިނގި އެކްސިޑެންޓެއްގައި، 23 އަހަރުގެ ޒުވާނަކު މަރުވުމާ ގުޅިގެންނެވެ.
އެގޮތުން ގަވާއިދާ ހިލާފަށް އުޅަނދު ދުއްވާ މީހުންގެ ލައިސެންސުން ޕޮއިންޓު ކަނޑަން ފަށަން ވެސް ވަނީ ނިންމާފައެވެ.
ކޮމެންޓު ފޮނުވާ