ސްޓެލްކޯގެ ނަމުގައި ސްކޭމް ކޯލްތަކެއް ކުރަމުންދާތީ އެކަމަށް ސަމާލުވުމަށް އެ ކުންފުނިން މިއަދު އިލްތިމާސްކޮށްފައިވެއެވެ. ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ "އެކްސް" މެދުވެރިކޮށް މިއަދު ކުރެއްވި ޕޯސްޓެއްގައި ވިދާޅުވެފައިވަނީ، ސްޓެލްކޯގެ ނަމުގައި ކަސްޓަމަރުންނަށް ގުޅަމުންދާ މައްސަލައެއް ކުންފުނީގެ ސަމާލުކަމަށް އައިސްފައިވާ ކަމަށެވެ. އޭނާ ފާހަގަކުރެއްވި ގޮތުގައި، މިގޮތަށް ގުޅާ ފަރާތްތަކުން މީހުންގެ ޒާތީ މައުލޫމާތު ހޯދުމަށް ދޮގު މައުލޫމާތު ދީ، އޮޅުވާލަން މަސައްކަތް ކުރަމުންދެއެވެ.
Public Notice: Beware of Fraudulent Calls
It has come to our attention that some of our valued customers have been receiving fraudulent calls from individuals pretending to represent State Electric Company Limited (STELCO). These callers are providing false information and may…
— Hussain Fahmy (@HussainFahmy09) September 1, 2024
ފަހުމީ އިތުރަށް ވިދާޅުވެފައިވަނީ، ކަސްޓަމަރުންގެ ޒާތީ މައުލޫމާތު ހޯދުމަށް ސްޓެލްކޯއިން ނުގުޅާނެ ކަމަށެވެ. އަދި ޝައްކުކުރެވޭފަދަ ކޯލެއް އަތުވެއްޖެނަމަ، ފޯނު ކަނޑާލުމަށް އޭނާ އާންމުންނަށް އިރުޝާދު ދެއްވިއެވެ. މީގެއިތުރުން، މިފަދަ ކޯލެއް ލިބިއްޖެނަމަ، ސްޓެލްކޯއަށް ގުޅައި އެކަން ޔަގީންކުރުމަށް ފަހުމީ ވަނީ އާންމުންނަށް އިލްތިމާސްކުރައްވާފައެވެ.
