ބޮލީވުޑްގެ އެކްޓްރެސް ޖާންވީ ކަޕޫރްގެ ސިޔާސީ ފިލްމު "އުލަޖް" އަށް އައު ތާރީހްއެއް ލިބިއްޖެއެވެ.
ކުރިން މި ފިލްމު ސިނަމާތަކަށް ގެންނަން ޕްލޭންކުރީ މި މަހުގެ 5 ގަ އެވެ. ނަމަވެސް އެޕްރީލް މަހުގެ ތެރޭގައި "އުލާޖް" ފަސްކުރިކަން ހާމަކުރުމަށް ފަހު، މިހާރު އާ ތާރީހަކަށް ހަމަޖައްސާފައި ވަނީ އަންނަ މަހުގެ 2 އެވެ.
View this post on Instagram
މި ފިލްމުގެ އައު ޕޯސްޓަރުތަކެއް ދައްކައިލުމުގެ ކުރިން މީގެ ޓީޒާއެއް ވެސް އެޕްރީލް މަހުގެ ތެރޭގައި އާންމުކުރި އެވެ. މިހާރު އާންމު ކޮށްފައިވާ ޕޯސްޓަރު ތަކުން ފިލްމް ރިލީޒް ކުރާނެ ކަމަށް ވަނީ އޯގަސްޓް 2 ކަށެވެ.
ޖާންވީ އާއި އެކުގައި ލީޑުން ވެސް ފެނިގެން ދާނީ މާ މަޝްހޫރު ނޫން އެކްޓަރުން ކަމުގައިވާ ގުލްޝަން ދެވިއާ އާއި ރޯޝަން މެތިއު އެވެ. މިފިލްމް ގެ ކާސްޓުގައި މިޔަންގް ޗަންގް، ސަޗިން ކެޑޭކަރް، ރާޖަންދުރަ ގުޕްތާ އަދި ޖިތެންދުރަ ޖޯޝީ ވެސް ހިމެނެއެވެ.
ޖަންގްލީ ޕިކްޗާސް އިން ޕްރޮޑިއުސްކުރާ މި ފިލްމުގެ ނަމަކީ ގިނަ ބަޔަކު އިންތިޒާރު ކުރަމުން އަންނަ ފިލްމްއެކެވެ. ޖަންގްލީ ޕިކްޗާސް އިން މީގެ ކުރިން ވަނީ ކާމިޔާބު އެތަށް ފިލްމް އެއް ގެނެސްދީފައިއެވެ. އެގޮތުން ރާޒީ" ފަހަގަ ކޮށްލެވެއެވެ.
މި ފިލްމްގެ ޑައިރެކްޓަރަކީ ނޭޝަނަލް އެވޯޑް ހާސިލްކޮށްފައިވާ ސުދާންޝޫ ސާރިއާ އެވެ.
