އުނގޫފާރު މަގުބައްތިތަކަށް ކަރަންޓު ދޫކޮށްފައި ހުރީ ނުރައްކާތެރި ހާދިސާއެއް ހިނގުން އެކަށީގެންވާ ގޮތަށްކަމަށް ފެނަކަ ކޯޕަރޭޝަންއިން ބުނެފިއެވެ.
ރ. އުނގޫފާރުގައި ހުރި މަގުބައްތިއަކުން ކަރަންޓުގައި ޒުވާނަކު ޖެހި މަރުވުމާ ގުޅިގެން ފެނަކަ ކޯޕަރޭޝަންއިން ކުރިޔަށް ގެންދިޔަ އިންސްޕެކްޝަނަށް އެކުންފުނިން ބުނެފައިވަނީ އެ އިންސްޕެކްޝަނުން އެގުނު ގޮތުގައި، ގިނަ ރަށްތަކުގައި ހަރުކުރެވިފައި ހުރި މަގުބައްތިތަކަށް ކަރަންޓް ދެވިފައި ހުރީ އީއެލްސީބީ މެދުވެރި ނުކޮށްކަން ފާހަގަކުރެވިފާ ކަމުގައެވެ.
މި އިންސްޕެކްޝަނުން ގިނަ ރަށްތަކުގައި ހަރުކުރެވިފައި ހުރި މަގުބައްތިތަކަށް ކަރަންޓް ދެވިފައި ހުރީ އީއެލްސީބީ މެދުވެރި ނުކޮށްކަން ވަނީ ފާހަގަކުރެވިފަ އެވެ.
އެ އިއުލާނުގައި ބުންޏެވެ.
ފެނަކައިން ބުނެފައިވަނީ މިގޮތަށް ކަރަންޓް ދޫކުރެވިފައި ހުރުމުން ނުރައްކާތެރި ހާދިސާއެއް ހިނގުމަކީ އެކަށީގެންވާ ކަމެއް ކަމުގައެވެ.
ފެނަކައިން އިތުރަށް ބުނެފައިވަނީ މަގު ބައްތިތަކުން ނުރައްކާތެރި ހާދިސާއެއް މެދުވެރިވިޔަ ނުދިނުމަށްޓަކައި އަޅާ ފިޔަވަޅެއްގެ ގޮތުން، ކަރަންޓްގެ ހިދުމަތް ދެވޭ މަގުބައްތިތަކަށް، މީގެފަހުން ކަރަންޓް ދޫކުރެވޭނީ ފެނަކައިން ދޭ ނަމޫނާ ކުރެހުމާއި އެއްގޮތަށް ސަލާމަތީ މިންގަނޑު ތަކަށް ފެތޭގޮތަށް ހަދާފައި ހުންނަ ސަބް ޑީބީ ހަރުކޮށްފައިކަމަށް ރަށްތަކުގެ ކައުންސިލްތަކަށް އަންގާފައިވާނެ ކަމަށެވެ.
މީގެ އިތުރުން ސަބް ޑިބީ ހަރުނުކުރެވި ހުރި މަގުބައްތިތައް މިދިޔަ މަހުގެ 27 ގެ ކުރިން ސަބް ޑީބީ ހަރުކޮށް ނިންމުމަށް ކުރިން އަންގާފައިވީ ނަމަވެސް ގިނަ ކައުންސިލްތަކުގެ އެދުމުގެ މަތިންނާއި އަދި މި މަސައްކަތުގެ މުހިންމު ކަމުން މި މުއްދަތު އިތުރު އެއް މަސް ދުވަހަށް އިތުރުކުރަން ނިންމާފައިވާކަމަށްވެސް ފެނަކައިން ބުނެފައި ވެއެވެ.
