ދައުލަތގެ ބެޖެޓުން 2023 ވަނަ އަހަރު ފެނަކަ ކޯޕަރޭޝަންއަށް ސަބްސިޑީގެ ގޮތުގައި ކަޑައަޅާފައިވާ މިންވަރަށްވުރެ %26 އިތުރަށް ޚަރަދު ކޮށްފައިވާކަމަށް ފާއިތުވި އަހަރުގެ ބަޖެޓް ރިވިއު އޮޑިޓުން ދައްކައިފިއެވެ.
2023 ވަނަ އަހަރުގެ ބަޖެޓުގެ ބޭނުންކޮށްފައިވާ ގޮތުގެ އޮޑިޓު ރިޕޯޓުގައި ވާގޮތުން ކަރަންޓު ސަބްސިޑީގެ ގޮތުގައި އެ އަހަރު ކަރަންޓު ސަބްސިޑީގެ ގޮތުގައި ކަނޑައެޅިފައިވަނީ 763 މިލިއަން ރުފިޔާއެވެ.
އެހެންނަމަވެސް 2023 ގެ ފުރަތަމަ 9 މަސްދުވަހުގެ ތެރޭގައި ފެނަކައަށް ވަނީ 763 މިލިއަން ރުފިޔާގެ އިތުރަށް 199 މިލިއަން ރުފިޔާ ޚަރަދު ކޮށްފައެވެ. އެއީ ޖުމްލަ 962 މިލިއަން ރުފިޔާއެވެ.
އަދި ފާއިތުވިއަހަރު އިސްލާހކުރި ބަޖެޓުގައި، ފާސްކުރި ބަޖެޓަށްވުރެ، ކަރަންޓު ސަބްސިޑީގެ ގޮތުގައި ހޭދަވާނެކަމަށް އަންދާޒާކުރި މިންވަރު 51 އިންސައްތަ މަތިކަންވެސް ރިޕޯޓުގައި ފާހަގަ ކޮށްފައި ވެއެވެ. ހަމަ އެއާއެކު، 2023 ވަނަ އަހަރުގެ ފުރަތަމަ 9 މަހުގައި، ކަރަންޓު ސަބްސިޑީގެ ގޮތުގައި ހޭދަކުރި ފައިސާގެ 87 އިންސައްތަ ދީފައިވަނީވެސް ފެނަކަ ކޯޕަރޭޝަނަށްކަންވެސް ފާހަގަ ކޮށްފައި ވެއެވެ.
އަދި ސަބްސިޑީގެ ގޮތުގައި ދޭ ފައިސާ ބޮޑު އަދަދެއް ހޭދަކުރަނީ އެކުންފުނީގެ އޮޕަރޭޝަނަލް ހަރަދުތައް ކުރުމަށްކަމަށް ކަމަށް ބަޔާން ކުރަމުން، ދައުލަތުގެ ބަޖެޓަށް ފެންނަކަ ކުންފުނީގެ ސަބަބުން ބުރަ ބޮޑުވެގެންދާ ދިއުން ކުޑަކުރަންޖެހޭކަމަށް ވެސް ބަޖެޓް ރިވިއު އޮޑިޓުގައި ފާހަގަ ކޮށްފައި ވެއެވެ.
އޮޑިޓް ރިޕޯޓުގައި ލަފާ ދީފައިވަނީ، ސަބްސިޑީ ދޭ މިންގަނޑުތައް ދަށްކުރުމަށް މީޑިއަމް ޓާމް ފިސްކަލް ސްޓްރެޓަޖީގައި ވާއިރު، ކަރަންޓު ސަބްސިޑީގެ ގޮތުގައި ދޭ މިންވަރު 600 މިލިއަންގައި ހިފެހެއްޓުމަށެވެ.
ކޮމެންޓު ފޮނުވާ