މިފަހަރުގެ ހައްޖުގެ އަޅުކަމުގެ ތެރޭގައި މަގު އޮޅުނު ދިވެހި 100 ހައްޖާޖީންނަށް ޑިވައިސްގެ އެހީގައި މަގު ދައްކާދެވުނު ކަމުގައި އިސްލާމިކް މިނިސްޓަރ ޑރ. ޝަހީމް ވިދާޅުވެއްޖެއެވެ.
ޙައްޖުގެ ކަންކަމާއި ގުޅޭގޮތުން މަޢުލޫމާތު ދެއްވަމުން ޝަހީމް ވިދާޅުވީ، މި ފަހަރުގެ ހައްޖުގައި މަގު އޮޅުނު 100 އެއް ހާ ހާޖީން ޑިވައިޒްގެ އެހީގައި ލޮކޭޓްކޮށްގެން ގެނެވުނުކަމުގައެވެ.
ރައްކާތެރިކަމުގެ ފިޔަވަޅެއްގެ ގޮތުން މިފަހަރު ހައްޖަށްދިޔަ ކޮންމެ ހައްޖާޖީއަކަށް އެ މީހަކު ހުންނަ ލޮކޭޝަނެއް ޓްރެކް ކުރެވޭނެ ޓްރެކިންގް ޑިވައިސްއެއް ހައްޖު ކޯޕަރޭޝަންއިން މިފަަހަރު ދީފައި ވެއެވެ.
ޝަހީމް ވިދާޅުވީ، މިއަަހަރު، ބަލި މީހުންނަށް އެންމެ މަތީ ދަރަޖައިގައި އެހީތެރިކަން ފޯރުކޮށްދެވުނުކަމަށެވެ. އެގޮތުން، ޑައިލެލިސް ހަދާ ފަރާތަކާއި، ކެންސަރު ފަރުވާ ހޯދަމުންދާ ބައެއް ބޭފުޅުންނާއި، ހިތުގެ ބަލި ހުންނަ ބައެއް ބޭފުޅުންވެސް ހާޖީންގެ ތެރޭގައި ތިބިއިރު އެ އެންމެނަށް އޯގާތެރިކަން ފޯރުކޮށްދެވުނުކަން ޝަހީމް ފާހަގަ ކުރެއްވިއެވެ. ހަމައެހެންމެ ބަލިވެގެން، އެޑްމިޓްކުރެވުނު ފަރާތްތަކަށް މަތީ ދަރަޖައިގައި އެހީ ފޯރުކޮށްދެއްވުނުކަމަށްވެސް ޝަހީމް ވިދާޅުވިއެވެ.
ޢަރަފާތަށް ނުވަދެވޭ އެކަކު ވެސް ނެތް. ބަލި މީހުން ވެސް އަރަފަރާތަށް ގެންދެވުނު. ވީލްޗެއާގައި ގިނަ އަދަދެއްގެ ހާޖީން އުޅުނު. އެންމެނަށް އެހީތެރިކަން ދެވުނު. އަރަފާތުގެ ފޭލިގޭގެ އިންތިޒާމްތައް ފުރިހަމަ.
ޝަހީމް ވިދާޅުވިއެވެ.
ޝަހީމް ވިދާޅުވީ ހައްޖު ކޯޕަރޭޝަންގެ މެނޭޖްމަންޓާއި މުރާލި މުވައްޒަފުންނާއި ހިއްވަރުގަދަ އެހީތެރިންނަށް ޙައްޤު ޝުކުރު ރައްދުކުރައްވާ ކަމަށާއި، ހައްޖު މިޝަންއަށް ޝުކުރު ދަންނަވަންނަވާ ކަމުގައެވެ. އަދި ހާޖީންނަށް އެހީވި މަދީނާގެ ކިޔަވާ ކުދިންނަށް ޝުކުރު އަދާކުރައްވަމުން ޝަހީމް ވިދާޅުވީ ވަކީން ޚާއްޞަކޮށް ކެއްކުމުގައި އިސްކޮށް އުޅުއްވި ބޮޑު ކައްކާ ވަހީދުބެ އަށް ޝުކުރު ދަންނަވާކަމުގައެވެ.
ހަމައެއާއެކު، ޑރ އާދަމް ޝަމީމާއި އިލްމުވެރި ހައްޖުގެ ކަންކަމުގައި އެހީތެރިކަން ފޯރުކޮށްދެއްވި އެންމެހާ އިލްމުވެރިންނަށްވެސް ޝަހީމް ޝުކުރު އަދާކުރައްވާފައި ވެއެވެ.
ޝަހީމް ވިދާޅުވެފައިވަނީ، މިނާގެ ފޭލިގޭގެ ތާށިކަމެއް ހުރިކަން ފާހަގަކުރައްވާ ކަމަށާއި، އެކަން މެދުވެރިވި ސަބަބުތައް ބަލައި ކުރިއަށް އޮތްތަނުގައި އެކަން ރަނގަޅުކުރަން އަޅަންޖެހޭ ފިޔަވަޅުތައް އަޅުއްވާނެ ކަމަށެވެ.
ޝަހީމްވަނީ ދިވެހި ހާޖީންގެ ކަންކަން ކަވަރ ކުރި މީޑިއާތަކަށް، ޚާއްޞަކޮށް އިސްލާމިކް ސްޓޫޑިއޯގެ ޓީމް، އަދި ޕީއެސްއެމްގެ ޓީމަށް ޝަހީމް ވަނީ ޝުކުރު އަދާކުރައްވާފައެވެ.
