ށ. ފުނަދޫ ކައުންސިލްގެ އަންހެން މެމްބަރުގެ ގޮނޑި އިންތިޚާބަކާ ނުލާ ޕީއެންސީގެ ކެނޑިޑޭޓް ކާމިޔާބު ކޮށްފިއެވެ.
މި ގޮނޑި ޕީޕަލްސް ނެޝަނަލް ކޮންގްރެސް (ޕީއެންސީ)ގެ ކެންޑިޑޭޓް ށ. ފުނަދޫ މާބަގީޗާގެ އާމިނަތު ޔުމްނާ އިންތިޚާބަކާ ނުލާ ކާމިޔާބު ކޮށްފައިވަނީ ފުނަދޫ ކައުންސިލްގެ ބައި-އިލެކްޝަނަށް ކުރިމަތިލުމަށް ހުޅުވާލުމުން ޔުމްނާ ފިޔަވާ އެއްވެސް މީހަކު ކުރިމަތިލާފައި ނުވާތީ އެވެ.
މި ބައި އިލެކްޝަން ބޭއްވުމަށް ހަމަޖެހިފައިވަނީ ޖޫންމަހުގެ 8 ވަނަ ދުވަހުއެވެ.
މި ބައި އިލެކްޝަން ބާއްވަން ޖެހުނީ ފުނަދޫ ކައުންސިލްގެ އަންހެނުންނަށް ހާއްސަ ގޮނޑި ފުރުއްވަމުން ގެންދެވި ސުވައިދާ ހުސައިން އިސްތިއުފާ ދެއްވުމާއި ގުޅިގެންނެވެ.
އެންމެ ފަހުން ބޭއްވު، ކައުންސިލްތަކުގެ 6 ބައި އިލެކްޝަނެއްގެ ތެރެއިން 4 ބައި އިލެކްޝަނެއް ކާމިޔާބު ކޮށްފައިވަނީ ވެރިކަންކުރާ ޕީއެންސީންނެވެ.
