ސިފައިންގެ ކުރީގެ ޗީފް އޮފް ޑިފެންސް ފޯސް ލެފްޓިނެންޓް ޖެނެރަލް (ރިޓަޔާޑް) އަބްދުއްރަހީމް އަބްދުއްލަތީފް ޚާރިޖީ ވުޒާރާގެ ސްޓޭޓް މިނިސްޓަރަކަށް އައްޔަނު ކުރަށްވައިފިއެވެ.
މިކަން ހާމަވީ ޚާރިޖީ ވުޒާރާއިން މީސްމިޑިއާގައި އެވުޒާރާގެ ސްޓޭޓް މިނިސްޓަރެއްގެ ޙައިސިއްޔަތުން ލެފްޓިނެންޓް ޖެނެރަލް (ރިޓަޔާޑް) އަބްދުއްރަހީމް އަބްދުއްލަތީފް ޚާރިޖީ ވުޒާރާގެ ބައްދަލުވުމެއްގައި ބައިވެރިވެ ވަޑައިގެންފައިވާ ކަން ހާމަ ކުރުމުންނެވެ.
އަބްދުއްރަހީމް އަބްދުއްލަތީފް ބައިވެރިވެ ވަޑައިގެންފައިވަނީ އެމެރިކާއިން ރާއްޖެއަށް ކަނޑައަޅުއްވާފައިވާ ސަފީރު، ހޫގޯ ޔޮންއާއެކު ޚާރިޖީ ވުޒާރާއިން ބޭއްވެވި ބައްދަލުވުމުގައެވެ
Ambassador at Large Dr Ali Naseer Mohamed and Minister of State Lt. Gen. Abdul Raheem Abdul Latheef (Rtd.) meets @GuardMontana Adjutant General Maj. Gen. John Peter Hronek II and @USinMaldives Ambassador Hugo Yon. Discussed broader Maldives-US security partnership & cooperation. pic.twitter.com/0N5YelzoeJ
— Ministry of Foreign Affairs 🇲🇻 (@MoFAmv) May 6, 2024
ލެފްޓިނެންޓް ޖެނެރަލް (ރިޓަޔާޑް) އަބްދުއްރަހީމް ސްޓޭޓް މިނިސްޓަރުކަމަށް އައްޔަން ކުރެވުނުކަން ރައީސް އޮފީހުން މިހާތަނަށްވެސް ހާމަކޮށްފައެއް ނުވެއެވެ. އަދި އޭނާގެ ނަން ސްޓޭޓް މިނިސްޓަރެއްގެ ގޮތުގައި ރައީސް އޮފީހުގެ ވެބްސައިޓުގައިވެސް އަދިވެސް ހިމަނާފައެއް ނުވެއެވެ.
އަދި އޭނާ ރާއްޖެއިން ތުރުކީއަށް ކަނޑައަޅުއްވާ ފުރަތަމަ ސަފީރަކަށް ހަމަޖެއްސެވުމަށް މިސަރުކާރުން ނިންމަވާފައިވާކަމަށް ސޯޝަލް މީޑިއާގައިވަނީ އަޑު ފެތުރިފައެވެ.
ތުރުކީގައި ރާއްޖޭގެ އެންބަސީއެއް ފުރަތަމަ ފަހަރަށް ގާއިމް ކުރުމަށް ނިންމާފައިވަނީ ފާއިތުވި ފެބްރުއަރީމަހުގެ 13 ވަނަ ދުވަހުއެވެ.
ސިފައިންގެ ހިދުމަތުގައި 39 އަހަރު ވަންދެން އުޅުއްވުމަށް ފަހު، ޗީފް އޮފް ޑިފެންސް ފޯސްގެ މަގާމުގައި ހުންނެވޭ އުމުރު ގާނޫނީ ގޮތުން ހަމަވާތީ އަބްދުއްރަހީމް ރިޓަޔާ ކުރެއްވީ މިދިޔަ މަހުގެ 17 ގަ އެވެ. ސިފައިންގެ ގާނޫނު ބުނާގޮތުން، ޗީފް އޮފް ޑިފެންސް ފޯސްގެ މަގާމުގައި ހުންނެވޭނެ އެންމެ ދޮށީ އުމުރަކީ 60 އަހަރެވެ.
ކޮމެންޓު ފޮނުވާ