މަސައްކަތްތެރިންގެ ހައްގުތަކަށް ވަލާތު ކުރުމުގައި އެމްޑީޕީ ދެމި އޮންނާނެ ކުރީގެ ރައީސް ސާލިހު އިބުރާހިމް މުހައްމަދު ސާލިހު ވިދާޅުވެއްޖެއެވެ.
މިއަދު ފާހަގަ ކުރެވެމުންދާ ބައިނަލްއަގުވާމީ މަސައްކަތްތެރިންގެ ދުވަހުގެ މުނާސަބަތުގައި ރައީސް ސާލިހި ކުރެއްވި އެކްސް ޕޯސްޓުގައި ވިދާޅުވީ މަސައްކަތްތެރިންގެ ހައްގުތައް ރައްކާތެރިކޮށް ކަށަވަރުކުރުމަށް ގައުމީ ނިސްބަތެއްގައި އެމްޑީޕީން ކޮށްފައިވާ މަސައްކަތްތަކާމެދު ފަޚުރުވެރިވާ ކަމަށެވެ. އޭގެ ތެރޭގައި މަސައްކަތްތެރިންނަށް ލިބިދޭންޖެހޭ އެންމެ ދަށް އުޖޫރަ ގާނޫނަކުން ލާޒިމްކުރުން ހިމެނޭކަމަށްވެސް ރައީސް ސާލިހު ވިދާޅުވިއެވެ.
ރައީސް ސާލިހުގެ އެކްސް ޕޯސްޓުގައި ވިދާޅުވީ މަސައްކަތްތެރިންގެ ހައްގުތައް ރައްކާތެރިކޮށްދީ އަދި މަސައްކަތްތެރިންގެ ހައްގުގައި ވަކާލާތު ކުރުންމަތީ އެމްޑީޕީ ދެމިއޮންނާނެ ކަމުގައެވެ.
މިއަދަކީ ބައިނަލްއަގުވާމީގޮތުން ފާހަގަ ކުރަމުންދާ މަސައްކަތްތެރިންގެ ދުވަހެވެ. ބައިނަލްއަގުވާމީގޮތުން, މަސައްކަތުގެ މާހައުލުގެ ސަލާމަތާއި ސިއްޙީ ރައްކާތެރިކަމުގެ ދުވަހެއް ފާހަގަ ކުރުމުގެ މަގްސަދަކީ, ގައުމެއްގެ ކުރިއެރުމުގައި މަސައްކަތްތެރިން ދައުރާއި, ވާ މަތިވެރި ގުރުބާނީތަކުގެ އަގުވަޒަންކޮށް, މަސައްކަތްތެރިންގެ ހަގުތަކަށް ވާ އަދި ވެވޭ އިހުމާލު ވަޒީފާ ދޭ ފަރާތްތަކާއި ސަރުކާރުތަކުގެ ސަމާލުކަމަށް ގެނައުމެވެ. މަސައްކަތްތެރިންގެ ހައްގުގައި އެދުވަހު އަޑު އުފުލުމެވެ.
ކޮމެންޓު ފޮނުވާ