ބޮލީވުޑް އަށް ތައާރަފް ވުމަށް ތައްޔާރު ވަމުން އަންނަ ކުރީގެ ބަތަލާ އަމްރިތާ ސިންގް އާއި އެކްޓަރު ސައިފް އަލީ ހާން ގެ ދަރިފުޅު އިބްރަހިމް އަލީ ހާން އަށް ފުރުސަތު ތަށް އޮހެމުން އަންނަ ކަމަށް ރިޕޯޓްތަށް ބުނެފިއެވެ.
އަދި އޭނާގެ އެއްވެސް ފިލްމް އެއް ރިލީޒް ނުކުރެއެވެ. ނަމަވެސް މިހާރު ވެސް ފުލު ފުލުގައި ފިލްމްތަށް އޭނާ އަށް ލިބެމުން އަންނަ ކަމަށް މީޑިއާ ރިޕޯޓްތަށް އަންނަނީ ބުނަމުންނެވެ.
View this post on Instagram
ނުފޫޒު ގަދަ ބޮލީވުޑްގެ އާއިލާ އަކަށް ނިސްބަތްވާ އިބްރާހިމް ބޮލީވުޑަށް ތައާރަފުކުރަން ހަމަޖެހިފައިވާ ފިލްމަކީ ކަރަން ޖޯހަރްގެ ދަރުމާ ޕްރޮޑަކްޝަނުން މިދިޔަ އަހަރު ޝޫޓިން ނިންމާފައި އޮތް ވަތަނީ ފިލްމު "ސަރުޒަމީން" އިންނެވެ.
މި ފިލްމު ޕޯސްޓް-ޕްރޮޑަކްޝަންގައި އޮތް އިރު، ދާދި ފަހުން އިބްރާހިމް ވަނީ ދަރުމާ އެހެން ފިލްމެއް ވެސް ނިންމައިފަ އެވެ. އެއީ އާ ޑައިރެކްޓަރު ޝައުނާ ގޯތަމްގެ "ނާދާނިޔާން" އެވެ. މި ފިލްމުގެ ބަތަލާ އަކީ ކުރީގެ މަޝްހޫރު ބަތަލާ ސްރީދޭވީގެ ހަގު ދަރުފުޅު ހުޝީ ކަޕޫރެވެ.
View this post on Instagram
މައުލޫމާތު ލިބޭ ގޮތުން އިބްރާހީމް މިހާރު ވަނީ އިތުރު ފިލްމަކަށް ވެސް ސޮއިކޮށްފަ އެވެ. މި ފިލްމަކީ ދަރުމާ އާއި ޕްރޮޑިއުސަރު ދިނޭޝް ވިޖަންގެ މެޑޮކް ފިލްމްސް އިން ގުޅިގެން ހަދަން ނިންމާފައިވާ ތިނެސްކަން ލޯބީގެ ރޮމޭންޓިކް ކޮމެޑީއެކެވެ. މި ފިލްމް އިން ދެ ބަތަލާ އެއް ފެނިގެންދާ އިރުގައި އެއް ބަތަލާ އަކީ ޖާންވީ ކަޕޫރެވެ.
އިބްރަހިމް ވަނި ޖާންވީ ގެ ކޮއްކޮ ހުޝީ އާއި އެކުގައި "ނާދާނިޔާން" ގައި މަސައްކަތް ކޮށްފައިއެވެ. އެހެން ކަމުން ޖާންވީ އާއި އެކުގައި ފެނިގެން ގޮސްފި ނަމަވަ އޭނާ ވެގެންދާނީ އެދެންނާއި އެކުގައި މަސައްކަތް ކުރި ފުރަތަަމަ އެކްޓަރަށެވެ.
View this post on Instagram
މީގެ އިތުރުން "ޑިލަރު" ކިޔާ މެޑޮކްގެ ފިލްމަކަށް އިބްރާހީމް ސޮއިކުރި ވާހަކަ މިދިޔަ އަހަރު ވެސް ދެކެވިފައިވެ އެވެ. ނަމަވެސް ހަދަން އުޅޭ ތިނެސްކަން ލޯބީގެ ފިލްމަކީ އެއީކަން އަދި ކަށަވަރެއް ނޫނެވެ.
ބޮލީވުޑްގެ ހަބަރުތަށް ގެނެސްދޭ ނޫސްތަކުން ބުނި ގޮތުގައި އިބްރާހީމްގެ ވަނީ ޝިޝާންކް ކައިތާން ލިޔެ، ޑައިރެކްޓްކުރަން ހަމަޖެހިފައިވާ ފިލްމަކަށް ވެސް ސޮއިކޮށްފައިއެވެ. ޝިޝާންކް އަކީ "ހަމްޓީ ޝަރުމާ ކީ ދުލްހަނިޔާ" އާއި "ބަދުރީނާތު ކީ ދުލްހަނިޔާ" ގެ އިތުރުން "ދަޅަކް" ގެނެސްދިން ޑައިރެކްޓަރެވެ.
