ހދ. ކުޅުދުއްފުށީގެ ކަރަންޓު ހިދުމަތަށް ދިމާވި މައްސަލަ ހައްލުކޮށް، މުޅި އެ ރަށަށް އަލުން ކަރަންޓު ދީފި އެވެ.
ޓްރާންސްފޯމަރަކަށް ދިމާވި މައްސަލައަކާ ގުޅިގެން ތިން ޖަނަރޭޓަރެއްގެ ކޮންޓްރޯލް މޮޑިއުލް އަނދައި މުޅި ކުޅުދުއްފުށިން ކަރަންޓު ދިޔައީ މިއަދު ހެނދުނު 9:15 ހާއިރުއެވެ.
ފެނަކައިން ބުނީ ކުޅުދުއްފުއްޓަށް ދިމާވި މައްސަލަ ހައްލުކޮށް، މިރޭ 8:10 ހާއިރު ކުޅުދުއްފުއްޓަށް ކަރަންޓުގެ ހިދުމަތް ދޭން ފަށާފައިވާ ކަމަށެވެ.
މިއަދު ދިމާވިމައްސަލައާއި ގުޅިގެން އިތުރަށް ބަލަންޖެހޭ ކަންކަން ބަލަމުންދާކަމުގައިވެސް ދަންނަވަމެވެ.
ފެނަކައިން 'އެކްސް’ގައި ކުރި ޕޯސްޓެއްގައި ބުނެފައިވެ އެވެ.
