ޑައިރެކްޓަރު އިމްތިޔާޒް އަލީގެ ފިލްމު "އަމަރު ސިންގް ޗަމްކީލާ" ނެޓްފްލިކްސް އިން ޕްރީމިއާކޮށްފި އެވެ.
މި ފިލްމަކީ އުމުރުން އެންމެ 27 އަހަރުގައި 1988 ގައި މަރާލި މަޝްހޫރު ޕަންޖާބީ ލަވަކިޔުންތެރިޔާ އަމަރް ސިންގް ޗަމްކީލާގެ ވާހަކަ ކިޔައިދޭ ބައޮގްރަފިކަލް ޑްރާމާއެކެވެ. އަމަރް ސިންގް އަކީ ލަވަ ކިއުމުގެ އިތުރުން ލަވަ ލިޔެ އަދި ލަވަ ކޮމްޕޯޒްވެސް ކުރި ކުޅަދާން ލަވަ ކިއުން ތެރިއެކެވެ.
މި ފިލްމަކީ "ޖަބް ވީ މެޓް" އާއި "ލަވް އާޖް ކަލް" އަދި "ރޮކްސްޓާ" ފަދަ މަގުބޫލު ފިލްމުތައް ގެނެސްދިން ޑައިރެކްޓަރު އިމްތިއާޒް އަލީގެ ފިލްމެކެވެ. މި ފިލްމް އަކީ ބައޯޕިކްއެކެވެ.
View this post on Instagram
1988 ވަނަ އަހަރު އަމަރް ސިންގް އާއި އޭނާގެ އަންހެނުން މަރްޖޯތާއި އެމީހުންގެ ބޭންޑްގެ ދެ މެމްބަރަކު ވަނީ މަރާލާފައެވެ. މިހާތަނަށްވެސް ފުލުހުންނަށް ވަނީ އެކަން ކުރި މީހުން އަތުލައި ގަނެވޭގޮތް ނުވެފައެވެ.
ބޮލީވުޑްގެ ބަތަލާ ޕަރިނީތީ ޗޯޕްރާ އާއި އެކުގައި މި ފިލްމް އިން ފެނިގެންދާނީ ހުނަރުވެރި ޕަންޖާބީ އެކްޓަރު ދިލްޖީތު ދޮސަންޖެވެ.
