މި ރޯދަމަހަށް ސައުދީ އަރަބިއާއިން ހަދިޔާކުރި ކަދުރު ބެހުން އޮންނާނީ މިއަދާއި މާދަމާގެ އިތުރުން މި މަހުގެ 14 ވަނަ ދުވަހުން ފެށިގެން 18 ވަނަ ދުވަހުގެ ނިޔަލަށްކަމަށް އިސްލާމިކް މިނިސްޓްރީން ބުނެފުއެވެ. އެމިނިސްޓްރީން ބުނެފައިވަނީ އެ ދުވަސްތަކުގައިވެސް ކަދުރު ބެހުން އޮންނާނީ މެންދުރު ފަހު 1:00 އިން 3:00 އާ ހަމައަށެވެ.
އެ ދުވަސްތަކުގެ ފަހުން ކަދުރު ބަހާނީ މި މަހުގެ 23 ވަނަ ދުވަހުން ފެށިގެން 25 ވަނަ ދުވަހުގެ ހެނދުނު 9:30 އިން މެނދުރު 12:00 އަށެވެ.
އިސްލާމިކް މިނިސްޓްރީން ބުނީ މާލެއާއި، ވިލިމާލޭ އަދި ހުޅުމާލޭގައި ދިރިއުޅޭ ރައްޔިތުންނަށް ކަދުރު ބަހާނީ، އެ މިނިސްޓްރީން ކަމަށާއި ކޮންމެ ގޭބީސީއަކަށް ބަހާނީ އެއް ޕެކެޓް ކަދުރު ކަމަށެވެ.
ކަދުރު ހަވާލުކުރާނީ ކަދުރު ބަލާ ދާ ފަރާތުގެ ދިވެހި ރައްޔިތެއްކަން އަންގައިދޭ ކާޑަށް ބެލުމަށްފަހުގައެވެ.
ކުރީ އަހަރެކޭ ވެސް އެއްގޮތަށް މި އަހަރުވެސް ސައުދީން ވަނީ 50 ޓަނުގެ ކަދުރު ރާއްޖެއަށް ހަދިޔާކޮށްފައެވެ.
ކޮމެންޓު ފޮނުވާ