ފެން ފޮޅި އަކީ ކާބަފައިންގެ ޒަމާނުގައި އެންމެ މަގުބޫލު އެއް ބާވަތެވެ. ހާއްސަކޮށް ރޯދަމަހުއެވެ. ފެން ފޮޅިއާއި ހިކިރިހަ އަކީ މިހާރު ވެސް ގިނަ ބައެއްގެ މެދުގައި މަގުބޫލު އެއްޗެކެވެ. މިއަދު ގެ ރެސިޕީ ހާއްސަ ކޮށްލާނީ ފެން ފޮޅިއަށެވެ.

ބޭނުންވާނެ ތަކެތި:

• 1 ޖޯޑު ފުއް
• 1/2 1 ޖޯޑު ފެން
• 1 ބިސް
• ލޮނުކޮޅެއް

ތައްޔާރު ކުރާނެ ގޮތް:

ފުއްކޮޅު ތައްޓަކަށް އަލައިލުމަށް ފަހު ފެން ފޮދު މަޑުމަޑުން އަޅަމުން ގެންދާށެވެ. އަޅަމުން ދާއިރުގައި ހާކަމުން ގެންދަން ވާނެއެވެ. ރަނގަޅަށް ފެންކޮޅަށް ފުއްކޮޅު އެކުވުމުން ބިސް އަޅާ މިކްސް ކޮށްލާށެވެ. އެއްވެސް ވަރަކަށް ލަޕްސް ހުރެއްޖެ ނަމަ ފުރޭންޔެއް ބޭނުން ކޮށްގެން ފުރާނާލާށެވެ. ދެން ލޮނު ހެޔޮވަރު ކޮށްލާށެވެ.

ތަވާގައި ފިއްސެއް ބޭނުން ގޮއްގެއް ތެޔޮ ކޮޅެއް ހާކާލާށެވެ. އެއަށް ފަހު ތައްޔާރު ކުރި ފުއްގަނޑުން އުދުނޅިއެއް ބޭނުން ކޮށްގެން އެތިފޮދެއް ތަވައަށް އަޅާލާށެވެ. ދެން މަޑުމަޑުން ފަތުރާލާށެވެ. އެއަށް ފަހު ދެފަޅިވެސް ފިހެލާށެވެ.