ހާއްސަ ކޮން ފިހުނު މަހަކީ ހާރުކާ ގަޑިއަށް ހާއްސަ އެއްޗެކެވެ. މިއީ އާންމުކޮން ކޮންމެ ގެއެއްގެ ވެސް ހާރުދަމުގެ ސުފުރާ ފަޅުވިލުވައިދިނުމުގައި މިހުންމު ދައުރެއް އަަދާ ކުރާއެއްޗެކެވެ.

މިއަދު މިގެނެސްދެނީ ވަރަށް ފަސޭހައި ތައްޔާރު ކުރެވިދާނެ ފިހުނު މަހެކެވެ. މި ގޮތަށް މަސްފިހުމުން ވަރަށް މީރު ވާނެއެވެ. ކަނޑު މަސް އަދި ފަރުމަށް ވެސް މި ގޮތަށް ފިހެލެވިދާނެއެވެ.

ބޭނުންވާނެ ތަކެތި: 

• 7 ބުރި ކަނޑުމަށް (އެއްވަރަކަށް ތުނި ފޮއްޗަށް ކޮށާލައިފައި)
• 1/4 ޖޯޑު ފިޔާ (ދިގުކޮން ތުނިކޮން ކޮށާލައިފައި
• 10 ހިކަނދި ފަތް
• 6 ލޮނުމެދު
• 2 ސަމުސާ މިރުސް ޕައުޑަރު
• 1/2 ސައި ސަމުސާ އަސޭމިރުސް ޕައުޑަރު
• 1/2 ސައި ސަމުސާ ދިރި ޕައުޑަރު
• 1 ލޮނބޫ (ކުޑަ)
• 1/2 ޖޯޑު ތެޔޮ
• ލޮނު

ތައްޔާރު ކުރާނެ ގޮތް:

ތައްޓަކަށް މިރުސް، ދިރި، އަސޭމިރުސް އަދި ލޮނު ކޮޅު ލައިފައި ރަނގަޅަށް ސަމްސަލަކުން އެއްކޮށްލާށެވެ. ދެން ފެން ފޮދެއް އަޅައި މިރުސްގަނޑު ތައް މިންވަރަށް ތައްޔާރު ކޮށްލާށެވެ. އެއަށް ފަހު ލުނބޯ ހުތް ފެލާލާ ރަނގަޅަށް އެއްކޮށްލާށެވެ. ދެން މަސްކޮޅު އަޅައި ރަނގަޅަށް މިރުސް އުނގުޅައިލާށެވެ.

ތަވާ އުދުން މައްޗަށް އުދާލުމަށްފަހު ތެޔޮ ކޮޅު އަޅައި ހޫނު ވުމުން މަސްކޮޅު އަތުރާލާށެވެ. ދެން މަސްކޮޅުގެ މައްޗަށް ފިޔާ، ހިކނަދި ފަތް އަދި ލޮނުމެދު ކޮޅު ކޮޅު އަޅައިލާށެވެ. އެއްފަޅި ފިހެވުމުން އަނެއް ފަޅިއަށް މަސްކޮޅު ޖަހާށެވެ. އެއަށް ފަހު ފެހެވުމުން އުދުން ނިންވާލާށެވެ.