މިއަދު ގެ ރެސިޕީ އަކީ ޓޮމާޓޯލީ ބިސްއެވެ. މިއީ ވަރަށް ފަސޭހައިން ތައްޔާރު ކޮށްލެވޭ އެއްޗެކެވެ. މީ ރޯދަ ވިއްލާ ގަޑިއަށް ވެސް އަދި ތަރާވީހް އަދި ހާރު ކެއުމަށް ވެސް ތައްޔާރު ކުރެވިދާނެ އެއްޗެކެވެ.

އާންމުން ހިކި ރިހައެއް ހުންނަ ކަހަލަ ގޮތަކަށް ތައްޔާރު ކުރާ މި ބިހަކީ ރޮށި ނުވަތަ ބަތާ އެކުގައި ވެސް ކެއުމަށް ބޭނުން ކުރެވިދާނެ އެއްޗެކެވެ. މީ ކުޑަކުދިންގެ މެދުގައި ވަރަށް ހިނގާ އެއްޗެކެވެ.

ބޭނުންވާނެ ތަކެތި: 

• 10 ބިސް (ކައްކައިފައި)
• 1 ފިޔާ (ޗޮޕްކޮށްފައި)
• 2 ލޮނުމެދު (ޗޮޕް ކޮށްފައި)
• 6 ހިކަނދި ފަތް
• 1 އިންޗީގެ 3 ރާނބާފަތް ކޮޅު
• 1 ޖޯޑު ޓޮމާޓޯ ޕޭސްޓް
• 3 ތޮޅި މިރުސް (މެދުން ފަލައިލާފައި)
• 1 މޭޒުމަތީ ސަމުސާ ސޯއީ ސޯސް
• 2 މޭޒުމަތީ ސަމުސާ ޓޮމާޓޯ ސޯސް
• ލޮނު ކޮޅެއް އަދި ތެޔޮކޮޅެއް

ތައްޔާރު ކުރާނެ ގޮތް:

އެންމެ ފުރަތަމަ ތަވާ އުނދުން މައްޗަށް އުދާށެވެ. އެއަށް ފަހު ތެޔޮ ކޮޅު އަޅައި ހޫނު ވުމުން ފިޔާ، ލޮނުމެދު، ހިކަނދި ފަތް، އަޅައި ވަޅޯ ކޮށްލާށެވެ. އެއަށް ފަހު މިރުސް އަދި ރާނބާ ފަތްކޮޅު އަޅައި ރަނގަޅަށް ވަޅޯ ވުމުން ބިސްކޮޅު އަޅައި ރަނގަޅަށް ކައިކައިލާށެވެ. ދެން ޓޮމާޓޯ ޕޭސްޓް އަދި ޓޮމާޓޯ ސޯސް ކޮޅު އަޅައި ކައްކައިލާށެވެ. ކެކުމުން ސޯއީ ސޯސް ކޮޅު އަޅައި ލާށެވެ. ދެން ލޮނު ހެޔޮވަރު ކޮށްލާށެެވެ. މިހާރު ހުންނާނީ ޓޮމާޓޯ ލީ ބިސް ތައްޔާރު ވެފައިއެވެ.