ބ. އޭދަފުށީގެ ބައެއްގެ ގޮތުގައި އެ ރަށް ކައިރީގައި އޮންނަ ފަޅު ރަށެއް ކަމަށްވާ ބ. މާއްޑޫ ކަނޑައަޅުއްވައިފިއެވެ.
އަތޮޅާއި ބ. އަތޮޅުގެ ބައެއް ރަށްތަކަށް ރައީސް މުއިއްޒު މިހާރު ކުރައްވަމުން ގެންދަވާ ދަތުރުފުޅުގައި އޭދަފުއްޓަށް ވަޑައިގެން އެރަށު ރައްޔިތުންނާ ބައްދަލު ކުރައްވައި ވާހަކަފުޅު ދައްކަވަމުން އެމަނިކުފާނު ވިދާޅުވީ އޭދަފުށީގެ ބައެއްގެ ގޮތުގައި މާއްޑޫ ހަމަޖެއްސުމަކީ ރިޔާސީ ކެމްޕެއިންގައި ވެވަޑައިގެންނެވި ވައުދެއް ކަމަށެވެ. އެ ވައުދާ އެއްގޮތަށް މާއްޑޫ، އޭދަފުއްޓާ ހަވާލުކުރަން ނިންމަވާފައިވާ ކަމަށް ވެސް އެމަނިކުފާނު ވިދާޅުވިއެވެ.
"އަޅުގަނޑު އިއުލާން ކުރަން އިރާދަކުރެއްވިއްޔާ އޭދަފުށީގެ ބައެއްގެ ގޮތުގައި މާއްޑޫ އަޅުގަނޑުމެން ހަމަޖައްސައިފިން. މި ހަފްތާ ތެރޭގައި އެކަމުގެ ލިޔެކިޔުން ކައުންސިލާ ހަވާލު ކުރާނަން،" ރައީސް ވިދާޅުވިއެވެ.
ރައީސް މިއަދު ވަނީ މާއްޑޫއަކީ އޭދަފުށީގެ ބައެއްގެ ގޮތުގައި ކަނޑައަޅުއްވައި ގަރާރެއް ނެރުއްވައިފައެވެ. ރައީސްގެ ގަރާރުގައި ވަނީ ލާމަރުކަޒީ ގާނޫނުގެ ދަށުން ރައީސަށް ލިބިދޭ ބާރުގެ ދަށުން މާއްޑޫއަކީ އޭދަފުށީގެ ބައެއްގެ ގޮތުގައި ކަނޑައަޅުއްވާ ކަމަށެވެ. މިއާ އެކު މީގެ ކުރިން ފަޅުރަށެއްގެ ގޮތުގައި އޮތް މާއްޑޫއަކީ ބ. އަތޮޅުގެ ވެރިކަން ކުރާ ރަށުގެ ބައެއް ކަމަށް އޭގައިވެއެވެ.
އޭދަފުށީގައި ބޭއްވި ޖަލްސާގައި ރައީސް ވިދާޅުވި ގޮތުގައި އެކަމުގެ ސަބަބުން މާއްޑޫގައި ގެދޮރުވެރިކަމާއި އުމްރާނީ ތަރައްގީ ފަދަ ކަންކަން ޕްލޭންކޮށްގެން ކުރިއަށް ގެންދެވޭނެއެވެ. އަދި ކައުންސިލުން އެކަމުގައި އިސް ނަގައިގެން ސަރުކާރާ ގުޅިގެން މަސައްކަތް ކުރުމަށް ރައީސް އެދިވަޑައިގެންނެވިއެވެ.
"އިރާދަކުރެއްވިއްޔާ އެ ރަށަކީ ތިޔަބޭފުޅުންގެ ކުރިމަގަށް މުހިންމު ރަށެއް،" ރައީސް ވިދާޅުވިއެވެ.
