ބޮލީވުޑްގެ ބަތަލާ ޕަރިނީތީ ޗޯޕްރާގެ ކުރިއަށް އޮތް ފިލްމް ""ޗަމްކީލާ" މި އަހަރުގެ އެޕްރީލް 12 ގައި ގެނެސްދޭން ނިންމައިފި އެވެ.
މި ފިލްމް ސިނަމާގެ ބަދަލުގައި ގެނެސްދޭނީ ނެޓްފްލިކްސް އިންނެވެ. ނެޓްފްލިކްސް އިން ފިލްމް ރިލީޒް ކުރާ ދުވަސް މިހާރު މި ވަނީ އިއުލާން ކޮށްފައިއެވެ. އިމްތިޔާޒް އަލީ ޑައިރެކްޓް ކޮށްފައިވާ މި ފިލްމް އަކީ ނިންމާފައި އޮންނަތާ ދުވަސްތަކެއް ވެފައިވާ ފިލްމްއެކެވެ.
މިދިޔަ އަހަރު ޝޫޓިން ނިންމާފައި އޮތް "ޗަމްކީލާ" އަކީ އުމުރުން އެންމެ 27 އަހަރުގައި 1988 ގައި މަރާލި މަޝްހޫރު ޕަންޖާބީ ލަވަކިޔުންތެރިޔާ އަމަރް ސިންގް ޗަމްކީލާގެ ވާހަކަ ކިޔައިދޭ ބައޮގްރަފިކަލް ޑްރާމާއެކެވެ.
1988 ވަނަ އަހަރު އަމަރް ސިންގް އާއި އޭނާގެ އަންހެނުން މަރްޖޯތާއި އެމީހުންގެ ބޭންޑްގެ ދެ މެމްބަރަކު ވަނީ މަރާލާފައެވެ. މިހާތަނަށްވެސް ފުލުހުންނަށް ވަނީ އެކަން ކުރި މީހުން އަތުލައި ގަނެވޭގޮތް ނުވެފައެވެ.
ކޮމެންޓު ފޮނުވާ