ފުލުހުން ހިންގި އޮޕަރޭޝަންތަކުގައި ގަވާއިދާ ޚިލާފަށް މަސައްކަތް ކުރަމުންދިޔަ 173 ބިދޭސީއަކު ޑީޕޯޓު ކުރަން އިމިގްރޭޝަންއާއި ހަވާލު ކޮށްފައިވާކަމަށް މޯލްޑިވްސް ޕޮލިސް ސާވިސްއިން ވިދާޅުވެއްޖެއެވެ.
ފުލުހުން ބޭއްވި ނޫސްވެރިންގެ ބައްދަލުވުމުގައި ވިދާޅުވީ މީގެ ތެރޭގައި ހިމެނެނީ ރާއްޖޭގައި ގަވާއިދާ ޚިލާފަށް އުޅެމުންދިޔަ ބިދޭސީންނާއި އަދި އޭގެ އިތުރުން ހަށުވިއްކުމުގައި އަމަލްތަކުގައި ދިވެހިންނާވެސް ގުޅިގެން ހަރަކާތްތެރިވަމުންދިޔަ ބިދޭސީން ކަމުގައެވެ.
މި ދެންނެވި ދާއިރާތަކުގައި އަޅުގަނޑުމެން ކުރި މަސައްކަތުގައި މިހާތަނަށް 13 އޮޕަރޭޝަނެއް ހިންގާފައިވާނެ، އޭގެ ތެރޭގައި ފުލުހުން ހަމައެކަނި ހިންގާފައިވާ އޮޕަރޭޝަންތަކާއި، އިމިގްރޭޝަންގެ އެކަމާ ގުޅުން ހުރި ޑިޕާޓްމެންޓްތަކާއި ގުޅުން ހުރި ބޭފުޅުންނާއެކު ހިންގާ އޮޕަރޭޝަންތައް ހިމެނޭ.
ފުލުހުން ވިދާޅުވެފައި ވެއެވެ.
ފުލުހުން ވިދާޅުވެފައިވަނީ މި ހުރިހާ ބިދޭސީންވެސް ޑީޕޯޓު ކުރުމަށް އިމިގްރޭޝަނާ ހަވާލުކޮށްފައިވާ ކަމުގައެވެ.
ރާއްޖޭގައި ބިދޭސީންގެ މައްސަލަތައް ހައްލުކުރުމަށް ހުރިހާ ސަރުކާރަކުންވެސް ގިނަ މަސައްކަތްތަކެއް ކުރަމުން އައި ނަމަވެސް، މިމައްސަލައަށް މިހާތަނަށް އެކަށީގެންވާ ހައްލެއް ހޯދިފައެއް ނުވެއެވެ.
ކޮމެންޓު ފޮނުވާ