މޯލްޑިވްސް ޕޯޓްސް ލިމިޓެޑް (އެމްޕީއެލް)އާއި ފިއުލް ސަޕްލައިސް މޯލްޑިވްސް (އެފްއެސްއެމް)ގެ މުވައްޒަފުންތަކެއް ގުޅިގެން 6.7 މިލިއަން ރުފިޔާގެ، ތެލުގެ ވިޔަފާރިއާއި ގުޅުންހުރި ޚިޔާނާތުގެ މައްސަލައެއް ތަހުގީގު ކުރަމުން އަންނަ ކަމަށް ފުލުހުން ބުނެފިއެވެ.
މިކަން ހާމަކޮށްފައިވަނީ، ފުލުހުންގެ އިކޮނޮމިކް ކްރައިމްސް ޑިޕާޓްމެންޓުން އިއްޔެ ބޭއްވި ނޫސްވެރިންގެ ބައްދަލުވުމުގައެވެ.
މި ނޫސްވެރިންގެ ބައްދަލުވުމުގައި، ފުލުހުންގެ ހެޑް އޮފް ފައިނޭންޝަލް ކްރައިމް ޔުނިޓްގެ އިންސްޕެކްޓަ އޮފް ޕޮލިސް ޔޫސުފް ލޫތު ވިދާޅުވީ ދެ ކުންފުނީގެ މުވައްޒަފުން ޚިޔާނާތްތެރިވެފައިވަނީ ތެޔޮ ގަތުމުގެ މުއާމަލާތެއްގެ ތެރެއިން ކަމަށާއި، އެކަމުގައި ޝާމިލުވަނީ ބިދޭސީއަކާއި ހަތަރު ދިވެހިން ކަމަށެވެ. އޭގެ ތެރޭގައި ހިމެނެނީ އެފްއެސްއެމްގެ ތިން މުވައްޒަފަކާއި އެމްޕީއެލްގެ ދެ މުވައްޒަފެއް ކަމަށްވެސް ފުލުހުން ވިދާޅުވިއެވެ.
އަޅުގަނޑުމެންނަށް ފާހަގަކުރެވިފައިވަނީ އެމްޕީއެލްއަށް ޑެލިވަރީ ނުކުރާ ތެޔޮތަކެއް އެމްޕީއެލްއަށް ލިބިފައިވާ ކަމަށް ބަޔާންކޮށް 119 ޑެލިވަރީ ޑެލިވަރީ އޯޑާއަކަށް އެމްޕީއެލްގެ ފަރާތުން އެފްއެސްއެމްއަށް ފައިސާ ދޫކޮށް، މިފައިސާއަށް ޚިޔާނާތްތެރިވެފައިވާ ކަމަށް.
މި މައްސަލައާއި ގުޅިގެން މައުލޫމާތުު ދެއްވަމުން ފުލުހުންގެ ހެޑް އޮފް ފައިނޭންޝަލް ކްރައިމް ޔުނިޓްގެ އިންސްޕެކްޓަ އޮފް ޕޮލިސް ޔޫސުފް ލޫތު ވިދާޅުވިއެވެ.
އޭނާ ވިދާޅުވީ އެއީ، 2020 ވަނަ އަހަރުގެ ޖެނުއަރީ މަހުގެ އެއް ވަނަ ދުވަހުން ފެށިގެން އެ އަހަރުގެ އޮކްޓޯބަރު މަހުގެ ނިޔަލަށް އެމްޕީއެލްއިން، އެފްއެސްއެމް މެދުވެރިކޮށް ތެޔޮ ގަތުމުގައި ޚިޔާނާތްތެރިވެފައިވާ ކަމަށް ތުހުމަތު ކުރެވޭ މައްސަލައެއް ކަމަށެވެ.
މީގައި މި ހިމެނޭ ބިދޭސީ މީހާގެ އެކައުންޓަށް 2018 ޖެނުއަރީ އެއް ވަނަ ދުވަހުން ފެށިގެން 2020 ނޮވެމްބަރު 30 ވަނަ ދުވަހުގެ ނިޔަލަށް ގާތްގަނޑަކަށް ތިން މިލިއަނަށް ވުރެ ގިނަ ރުފިޔާ ޖަމާވެފައިވާ ކަމަށް އަޅުގަނޑުމެންނަށް މިހާތަނަށް ތަހުގީގުތަކުން ވަނީ ހޯދިފައި.
ލޫތު ވިދާޅުވިއެވެ.
އޭނާ ވިދާޅުވީ އެ މައްސަލާގައި ދައުވާ ކޮށްދިނުމަށް ޕީޖީ އޮފީހަށް ފޮނުވާނޭކަމުގައެވެ.
ކޮމެންޓު ފޮނުވާ