2005 ވަނަ އަހަރު ނެރުނު ކާމިޔާބު ކޮމެޑި ފިލްމް "ނޯ އެންޓްރީ" ގެ ދެވަނަ ބައި މުޅިން ތަފާތު ކާސްޓަކާ އެކީ މި އަހަރުގެ ޑިސެމްބަރު މަހުގެ ތެރޭގައި ފަށަން ނިންމާފައިވާ ކަމަށް ރިޕޯޓްތައް ބުނެފި އެވެ.
"ނޯ އެންޓްރީ 2″ ނުވަތަ ސީކުއަލް އިން ފެނިގެންދާނީ އަރުޖުން ކަޕޫރާއި ވަރޫން ދަވަންގެ އިތުރުން ފަގުޑި އެޅި ޕަންޖާބީ އެކްޓަރު ދިލްޖީތު ދޮސަންޖާ ކަމަށް ހަބަރުތަށް އަންނަނީ ބުނަމުންނެވެ.
"ނޯ އެންޓްރީ މޭ އެންޓްރީ" ގެ ނަން ދީފައިވާ މި ފިލްމް އިން ފެނިގެންދާނީ ކުރީގެ ކާސްޓު ކަމަށް މީގެ ކުރިން މީޑިއާ ވަނީ ބުނެފައިއެވެ. އެއީ ސަލްމާން ހާން އާއި ފަރްދިން ހާން އަދި އަނިލް ކަޕޫރުއެވެ. ނަމަވެސް މިހާރު ކާސްޓު އެއްކޮށް ބަދަލުކޮށްގެން ފިލްމް ގެނެސްދޭން ނިންމައިފައިވާ ކަމަށް ވެއެވެ.
މި ފިލްމަކީ އަރުޖުންގެ ބައްޕަ ބޯނޭ ކަޕޫރް ޕްރޮޑިއުސްކުރާ އެއްޗެކެވެ. އެ ފިލްމް މިހާތަނަށް ވެސް ނުގެނެސްދެވި އޮތީ ބޯނޭ އާއި ސަލްމާން އާއި ދެމެދުގައި ޖެހިފައިވާ ކުއްޔެއްގެ ސަބަބުން ނެވެ.
