ގެވެށި އަނިޔާއިން ރައްކާތެރިވުމުގެ އަމުރެއް ހޯދުމަށް އެދި ފެމިލީ ކޯޓަށް ހުށަހަޅާއިރު، އެ ކޯޓަށް ފީއެއްގެ ގޮތުގައި ދައްކަން ޖެހޭ 25 ރުފިޔާ ކަނޑާލައިފިއެވެ.
ގެވެށި އަނިޔާއިން ރައްކާތެރިކުރުމުގެ އަމުރަށް އެދި ފެމިލީ ކޯޓަށް ހުށަހަޅާ ފޯމާއެކު އެ ރުފިޔާ ދައްކަން ޖެހެނީ ބަނޑޭރި ޕޯޓަލް މެދުވެރިކޮށެވެ. އެހެންނަމަވެސް އެކޯޓުން އާންމު ކުރި ގެވެށި އަނިޔާއިން ރައްކާތެރިކުރުމުގެ އަމުރަށް އެދި ހުށަހަޅާ ފޯމުގައި އެ ފީ ދެއްކުން ހިމަނާފައެއް ނުވެއެވެ.
ޕްރޮސިކިއުޓާ ޖެނެރަލް ހުސެއިން ޝަމީމް ބްލޮގްގައި ވިދާޅުވީ އަނިޔާއިން ރައްކާތެރިވުމުގެ އަމުރެއް ހޯދުމަށް އެދި ހުށަހަޅާ މީހާގެ ހާލަތަށް ވިސްނައި، އެ 25 ރުފިޔާ ނުދައްކާގޮތަށް ބަދަލުކުރުން މުހިންމު ކަމަށެވެ. އަދި ހުރިހާ އިދާރާތަކަށް ފެނުނު ކަމަށާއި، އެކަން ބަދަލުކުރުމަށް އެމަނިކުފާނު އިސް ނެންގެވިކަމަށް ވިދާޅުވިއެވެ.
ގެވެށި އަނިޔާއިން ރައްކާތެރިވުމުގެ އަމުރެއް ހޯދުމަށް އެދި ހުށަހަޅާ މީހާ، އާންމުކޮށް ހުންނާނެ ނިކަމެތި ހާލަތަށް ވިސްނައި، މި 25ރ. ނުދައްކާގޮތަށް ބަދަލުކުރުމުގެ މުހިންމުކަމެއްކަމަށް ހުރިހާ އިދާރާތަކަށްވެސް ފެނުނެވެ. މިކަމާ ފެމިލީ ކޯޓަށް ހިނގުމާ ހަވާލުވީ އަޅުގަނޑާއެވެ.
– ޙުސައިން ޝަމީމް ވިދާޅުވިއެވެ.
ޝަމީމް ވިދާޅުވީ، 25 ރުފިޔާގެ މައްސަލަ ފެމިލީ ކޯޓުގެ ސަމާލުކަމަށް އައިސްގެން، ފަނޑިޔާރުންގެ މަޖިލީހުން އެ 25 ރުފިޔާ ކަނޑާލަން ކުރިން ނިންމެވި ކަމަށެވެ. އެ ނިންމެވުން ތަންފީޒުކުރެވުނީ މި ފެށުން ޤަޟާއީ އާ އަހަރުއެވެ.
އަނިޔާ ލިބޭ މީހާއަށް އިތުރަށް ފަސޭހަ ކޮށްދިނުމަށްޓަކައި، ގެވެށި އަނިޔާއިން ރައްކާތެރިކުރުމުގެ އަމުރަށް އެދޭ ފޯމު، ޕީޖީ އޮފީހުގެ އޮންލައިން ޕޯޓަލްގެ ތެރެއިން ފުރޭނޭ ގޮތް ހަމަޖައްސާނެ ކަމަށް ޝަމީމް ވިދާޅުވިއެވެ.
