މި މަހުގައި ސިނަމާއަށް ގެންނަން އަމާޒު ހިފައިފައިވާ ފިލްމް "މެރީ ކްރިސްމަސް" ގެ ލަވަ ބެލުންތެރިންނަށް ދޫކޮށްލައިފިއެވެ.
މި ފިލްމް އަކީ ޓައިޓަލް ސޯންގެ ހިމެނޭ ފިލްމްއެކެވެ. ފިލްމްގެ ލީޑުން ފެނިގެންދާނީ ބޮލީވުޑްގެ ކާމިޔާބު އަދި އެހާމެ ރީތި ބަތަލާ ކެޓްރީނާ ކައިފް އާއި ސައުތުގެ އެވަނަ ދެވަނައެއް ނެއް ހުނަރުވެރި އެކްޓަރު ވިޖޭ ސެތުޕަތީއެވެ.
ވަރުން ގްރޯވާ ގެ ޅެމަކަށް މި ލަވަ ކޮމްޕޯސް ކޮށްފައިވަނީ އެފަދަ ދެވަނައެއް ނެތް ހުނަރުވެރިޔާ ޕްރިތަމްއެވެ. މި ލަވަ ކިޔައިފައިވެސް ވަނީ ޕްރިތަމްއެވެ. މަޑުމަތިރި ރާގެއްގެ މި ލަވައަކީ ފިލްމްގެ ޓައިޓަލް ސޯންގްއެވެ.
"މޭރީ ކްރިސްމަސް" އަކީ އިންޓަވަލެއް ނުހިމެނޭ ގޮތަށް ހަދާ 90 މިނިޓްގެ ފިލްމެކެވެ. ބޮލީވުޑް ހަންގާމާއިން ބުނިގޮތުގައި މި ފިލްމު ސްރީރާމް ހަދަނީ ކުރު ވާހަކައެއްގެ މައްޗަށް ބިނާކޮށެވެ.
ވަރަށް އުންމީދީ ފިލްމެއްގެ ގޮތުގައި ފާހަގަކޮށްލެވޭ "މެރީ ކްރިސްމަސް" ގެ ކާސްޓްގައި ސަންޖޭ ކަޕޫރް، ވިނޭ ޕަތަކް، ޕްރަތިމާ ކަޒްމީ، ޓިނޫ އާނަންދު، ރާދިކާ ސަރަތުކުމާރު އަދި ރާދިކާ އަޕްޓޭ ހިމެނެ އެވެ.
