ފާއިތުވި ފަސް އަހަރު ތެރޭގައި 69،780 އެއްގަމު އުޅަނދު ރެޖިސްޓާކޮށްފައިވާކަމަށް ޓްރާންސްޕޯޓު މިނިސްޓްރީން ހާމަކޮށްފިއެވެ.
މިނިސްޓަރ އަމީން މިކަން ހާމަކޮށްފައިވަނީ، އެމިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.
މިނިސްޓަރ ވިދާޅުވީ ފާއިތުވި 5 އަހަރު މާލޭ ސަރަހައްދަށް އެކަނިވެސް، 42،000 ވެހިކަލް ރެޖިސްޓާކޮށްފައިވާކަމަށެވެ.
ގާނޫނުގެ ތެރެއިން ކަންކަން ކޮށްފި ނަމަ އެ އަދަދަށް ރަޖިސްޓަރީ ކުރަން ނުޖެހޭނެ. އެހެންވެ، މި ވަގުތަށް ގާނޫނަށް ބަދަލެއް ނުގެނެސް ިވެސް މިނިސްޓްރީ އަށް ލިބޭ ބާރުގެ ދަށުން ބައެއް ހާލަތުތަކުގައި ރަޖިސްޓަރީ ކޮށްދިނުން މަޑުޖައްސައިލުމުން ބަދަލު ފެންނޭ.
މިނިސްޓަރު ވިދާޅުވިއެވެ.
އަމީން އިތުރަށް ވިދާޅުވީ ފާއިތުވީ ފަސްއަހަރު އާދަޔާ ޚިލާފަށް އެއްގަމު އުޅަނދު ރަޖިސްޓްރީ ކޮށްފައިވާއިރު، މި ސްޕީޑުގައި އުޅަނދު ރަޖިސްޓްރީ ކުރާނަމަ މާލޭގެ ޓްރެފިކް ނުހިފެހެއްޓޭނެ ކަމުގައެވެ.
ހިސާބުތަކަށް ބަލާލިއިރުގައި ސިއްސައިގެންދާ ވަރުގެ އަދަދަކަށް ރަޖިސްޓްރީވަމުންދަނީ، އެއީ ގްރޭޓާ މާލެ އޭރިޔާ، މި އޭރިޔާއަކީ ވަރަށް ހައި ޑެންސިޓީއެއް އޮންނަ ތަނެއް،.މުޅި ދިވެހި ރާއްޖެއަށް 69،870 ދުއްވާ އުޅަނދު ރަޖިސްޓްރީކުރެވިފައި އެބަހުރި. އޭގެތެރެއިން 42،000 އުޅަނދު އެބަހުރި މާލެ ސަރަހައްދަށް ރަޖިސްޓްރީކޮށްފައި. އެހެންވީމާ އެނގިވަޑައިގަންނަވާނެ މި ސްކޭލްގައި މި ޓްރެންޑް މި ގޮތަށް ދާ ކަމަށް ވަންޏާމު މި މާލެ އޭރިއާ ދާނީ އަޅުގަނޑުމެންނަށް ނުހިފެހެއްޓިގެން.
އަމީން ވިދާޅުވީ ގާނޫނުގެ ތެރެއިން ކަންކަން ކޮށްފިނަމަ އެއީ އުޅަނދުތައް ރަޖިސްޓްރީކުރަން ޖެހޭނެ އަދަދެއް ނޫންކަމުގައެވެ. އަދި ބައެއް ހާލަތްތަކުގައި މިނިސްޓްރީއަށް ލިބިދޭ ބާރުގެދަށުން ރަޖިސްޓްރީކުރުން މަޑު ޖައްސާލައިފިނަމަވެސް ހެޔޮ ބަދަލެއް ފެންނާނެ ކަމުގައެވެ.
