14 އަހަރުގެ ދިގު މުއްދަތަކަށް ފަހު ނުފޫޒު ގަދަ ޑައިރެކްޓަރު/ ޕްރޮޑިއުސަރު ކަރަން ޖޯހަރްގެ ދަރުމާ ޕްރޮޑަކްޝަންގެ ފިލްމެއް ޝާހްރުކް ޚާން ކުޅެން ނިންމާފައިވާ ކަމަށް ރިޕޯޓްތައް ބުނެފި އެވެ.
ނޫސްތަކުން ބުނާގޮތުގައި މިހާރު އަންނަނީ މި ފިލްމް ގެ މަސައްކަތްތަށް ވަރަށް ބާރު މިނުގައި ކުރަމުންނެވެ. އަދި އަހަރު ދެބައި ވުމުގެ ކުރިން ފިލްމް އިއުލާން ކުރުމަށް މަސައްކަތް ކުރަމުން އަންނަ ކަމަށްވެސް ވަނީ ބުނެފައިއެވެ.
މި ދެމީހުން އެކުގައި ވަނީ ކާމިޔާބު ފިލްމް ތަކެއް ގެނެސްދީފައިއެވެ. އެގޮތުން ކަރަން ޑައިރެކްޓް ކުރި 1998 ގެ "ކުޗް ކުޗް ހޯތާ ހޭ" އާއި 2001 ގެ "ކަބީ ހުޝީ ކަބީ ޢަމް" އަކީ މިއަދު ވެސް ގިނަ ބަޔަކަށް ކަމުދާ ލިސްޓްގެ އެންމެ ކުރިން ޖާގަ ހޯދާ ދެ ފިލްމްއެެވެ.
މީގެ އިތުރުން ޝާޙު ވަނީ ކަރަން ޕްރޮޑިއުސްކުރި 2003 ގެ "ކަލް ހޯ ނަ ހޯ" އިން ވެސް ފެނިގެން ގޮސްފައިއެވެ. އަސަރު ގަދަ މި ފިލްމް އަކީ ވެސް ވަރަށް ކާމިޔާބު ފިލްމްއެކެވެ. ޝާހްރުކާ އެކީ ކަރަން ޑައިރެކްޓްކުރި ފިލްމުތަމުގެ ތެރޭގައި 2005 ގެ "ކަބީ އަލްވިދާ ނާ ކެހެނާ" ގެ އިތުރުން 2010 ގެ "މައި ނޭމް އިޒް ޚާން" ވެސް ހިމެނެ އެވެ.
މިދިޔަ އަހަރުގެ ވަރުގަދަ ތިން ހިޓް ކަމަށްވާ "ޕަތާން" އާއި "ޖަވާން" ގެ އިތުރުން "ޑަންކީ" ގެނެސްދިން 58 އަހަރުގެ އެކްޓަރު ދެން ކުޅެން އޮތީ "ދަ ކިންގް" ކިޔާ ފިލްމެއް ކަމަށް ރިޕޯޓްތައް ބުނެ އެވެ.
