ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެންމެ އިސްކަން ދެއްވަނީ ރައްޔިތުން އެމަނިކުފާނަށް ކުރާ އިތުބާރު ދެހެއްޓެވުމަށްކަމަށް ނައިބު ރައީސް އަލްއުސްތާޒް ޙުސައިން މުޙައްމަދު ލަޠީފް ވިދާޅުވެއްޖެއެވެ.
މި ނިމޭ އަހަރުގެ އެންމެ މަޤްބޫލު ޝަހްސިއްޔަތަކަށް ރައީސް ޑރ. މުޢިއްޒު ވެވަޑައިގެންފައިވާކަމަށް ރާއްޖޭގެ އޮންލައިން ނޫހަކުން ފާހަގަކުރުމުން، އެކަމަށް އިޝާރާތްކުރައްވާ ނައިބު ރައީސް ވިދާޅުވީ، އެމަނިކުފާނަކީ ކުރިއަށް އޮތްތަނުގައިވެސް ރައްޔިތުންގެ ލޯތްބާއި އިހުތިރާމު ލިބޭނެ ވެރިއަކަށް ވެގެންދާނެކަން ޔަގީންކުރައްވާކަމަށެވެ.
ރައީސް ޑރ. މުޢިއްޒު އެންމެ އިސްކަން ދެއްވަނީ ރައްޔިތުން އެމަނިކުފާނަށް ކުރާ އިތުބާރު ދަމަހައްޓަވައި، ޙިދުމަތްތެރި ސަރުކާރެއް ބިނާކުރެއްވުމަށް،اللهގެ އިރާދަފުޅާއެކު އެމަނިކުފާނަކީ ކުރިއަށް އޮތްތަނުގައިވެސް ރައްޔިތުންގެ ލޯތްބާއި އިހުތިރާމު ލިބޭނެ ވެރިއަކަށް ވެގެންދާނެކަން ޔަގީން.
– ނައިބު ރައީސް ވިދާޅުވިއެވެ.
ނޮވެމްބަރު 17ގައި މަޤާމާއިހަވާލުވެވަޑައިގެން ރައީސް ޑރ. މުޢިއްޒު ގެންދަވަނީ ރާއްޖޭގެ ހުރި މައްސަލަތައް ހައްލުކޮށްދެއްވުމަށް އިސްކަންދެއްވާ މަސައްކަތްކުރައްވަމުންނެވެ. މިގޮތުން ސަރުކާރުގެ ހަފްތާ 14ގައި މުހިންމު ސިޔާސަތުތަކެއް ކަނޑައަޅާއި 100 ދުވަހުގެ ތެރޭގައި ދަނީ އެކަންކަން ހާސިލްކުރަމުންނެވެ.
ރައީސް ރައްޔިތުންނަށް ދެއްވާފައިވާ ޔަޤީންކަމަކީ، އެމަނިކުފާނު ވެވަޑައިގެންފައިވާ ވަޢުދުތައް ފުއްދަވާނެކަންކަމަށެވެ.
