މުޅި ރާއްޖެއަށް މިހާރު ކުރަމުންދާ ވިއްސާރާގައި ފ. ނިލަންދޫ، ކ.ގުރައިދޫ، ލ.ގަން އަދި ފޮނަދޫ އާއި ސ.މަރަދޫއިން ވަނީ އެރަށްރަށުގައި އެކިވަރުގެ ގެއްލުންތައް ލިބިފައިވާކަމުގެ ރިޕޯޓުތައް ލިބިފައިވާކަމަށް ނޭޝަނަލް ޑިސާސްޓަރ މެނޭޖްމަންޓް ސެންޓަރ (އެންޑީއެމްއޭ)އިން ބުނެފިއެވެ.
އެންޑީއެމްއޭއިން ބުނެފައިވަނީ އޭގެ އިތުރުން، ކ. ގުރައިދޫ ގެ 20 ގެއެއްގައި ފެންބޮޑުވެ 3 ގެއަކުން އެހެން ތަންތަނަށް ބަދަލުވެފައިވާކަމުގައެވެ.
ރާއްޖެ އަށް މިހާރު ކުރަމުންދާ ވިއްސާރާގައި މިއަދުގެ މެންދުރު 1:30 އާ ހަމައަށް މޫސުމާ ބެހޭ އިދާރާ އިން ވަނީ ހުދު އެލާޓެއް ނެރެފައެވެ.
މެޓް އޮފީހުން ބުނީ، މިއަދުގެ ހެނދުނު 7:30 އިން މެންދުރު 1:30 އާ ހަމައަށް މުޅި ރާއްޖެ އަށް ހުދު އެލާޓެއް ނެރެފައިވާ ކަމަށެވެ.
މޫސުމާބެހޭ އިދާރާއިން ބުނެފައިވަނީ މުޅި ރާއްޖެ އަށް ވެސް މެންދުރު 1:30 ވަންދެން ގުގުރާ ބޯކޮށް ވާރޭ ވެހޭނެކަމުގައެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް މެޓުން އޮފީހުން ލަފާކޮށްފައި ވެއެވެ.
މި ދުވަސްވަރަކީ ޚާއްސަކޮށް ރާއްޖޭގެ ދެކުނަށް ވަރަށްބޮޑަށް ވިއްސާކުރަމުންދާ ދުވަސްވަރެކެވެ.
