ޔުނިސެފުން ރާއްޖެއަށް 420 ލެޕްޓޮޕާއި، ދަރިވަރުން ކިޔެވުމަށް ބޭނުންވާ 2726 ފޮތާއި ޑިސްިންފެކްޓްކުރުމަށް ބޭނުންވާ 2903 ސާމާނު އެޑިއުކޭޝަން މިނިސްޓްރީއަށް ހަދިޔާކޮށްފިއެވެ.
މިއަދު އެޑިއުކޭޝަން މިނިސްޓްރިގައި ބޭއްވެވި ރަސްމިއްޔާތެއްގައި މިތަކެތި ޔުނިސެފްގެ ފަރާތުން އެޑިއުކޭޝަން މިނިސްޓްރީއާއި ހަވާލުކުރެއްވީ ޔުނިސެފުން ރާއްޖެއަށް ކަނޑައަޅާފައިވާ މަންދޫބު މުޙައްމަދު އަލް-މުނީރެވެ. އަދި މިނިސްޓްރީގެ ފަރާތުން އެތަކެއްޗާއި ހަވާލުވެވަޑައިގަތީ އެޑިއުކޭޝަން މިނިސްޓަރ ޑރ.އައިޝަތު ޢަލީ އެވެ.
މިތަކެއްޗާއި ހަވާލުވެވަޑައިގެން މިނިސްޓަރ ވަނީ މިފަދަ ދަނޑިވަޅެއްގައި ޔުނިސެފުން ރާއްޖެއަށް ހަދިިޔާކުރެއްވި ތަކެތިގެ ސަބަބުން ތަޢުލީމީ ދާއިރާއަށް ވަރަށް ބޮޑު ފައިދާއެއް ވާނެކަން ފާހަގަކުރައްވާ ވަނީ ޝުކުރު އަދާކުރައްވާފައެވެ. އަދި ޔުނިސެފުން ކެނޑިނޭޅި ވަމުން އަންނަ އެހީތެރިކަމަށްވެސް ޝުކުރު އަދާކުރެއްވިއެވެ.
We are pleased to receive the generous gift of 420 laptops, 2726 Dhivehi reading books & 2903 units of surface disinfectants by UNICEF Maldives. We appreciate the continuous assistance from @UNICEFMaldives in our efforts towards recovery from COVID-19 pandemic. pic.twitter.com/fh2wszNn0b
— Ministry of Education (@MoEdumv) December 13, 2020
ކޯވިޑް-19ގެ ސަބަބުން ރާއްޖޭގެ ތަޢުލީމީ ދާއިރާއަށް ކުރިމަތިވެފައިވާ ގޮންޖެހުންތައް ނައްތާލާ، މި ޙާލަތުގައިވެސް ދަރިވަރުންނަށް ބޭނުންވާ ތަޢުލީމުގެ ކަންކަން ފުރިިހަމަކޮށްދިނުމުގައި އެޑިއުކޭޝަން މިނިސްޓްރީއަށް ބޭނުންވާ އެހީތެރިކަމާއި އެއްބާރުލުން ޔުނިސެފުން އަންނަނީ ފޯރުކޮށްދެމުންނެވެ.
ޔުނިސެފުން މީގެ ކުރިންވެސް ވަނީ ރާއްޖޭގެ 22 ސްކޫލެއްގައި 44 ހޭންޑްވޮޝިންގް ޤާއިމުކޮށްދީފިއެވެ.
ކޮމެންޓު ފޮނުވާ