އަންނަ އަހަރު ބެލުންތެރިންނަށް ގެނެސްދޭން ހަމަޖެހިފައިވާ ފުރަތަމަ ފިލްމް އަކަށް "މީ އިޝްގް" ގެ ޓައިޓްލް ލަވަ ދައްކާލައިފި އެވެ.
ދިވެހި ފިލްމް އިންޑަސްޓްރީގެ ޒުވާން ދެ ތަރިން ކަމުގައިވާ ޝަރަފު އަބްދުﷲ އާއި އައިމިނަތު ރަޝްފާ (އާޝާ) ލީޑް ރޯލުން ފެނިގެންދާ މި ފިލްމް ރިލީޒް ކުރުމަށް ތާވަލް ކޮށްފައިވަނީ އަންނަ އައު އަހަރުގެ ޖެނުއަރީ 6 ކަށެވެ.
މި ލޯބީގެ ފިލްމުގެ ޓައިޓްލް ލަވަ ކިޔާފައި ވަނީ މާއިން އާއި އައްޔު އެވެ. ލަވައިގެ މިއުޒިކް ހެދީ ޝަހީދު ލެގަސީ އެވެ. މީ ޝަރަފު އާއި އާޝާ އެކުގައި ފެނިގެންދާ ދެވަނަ ފިލްމްއެވެ.
މި ފިލްމަކީ ޒުވާން ޑައިރެކްރު އަޒްހާން އިބްރާހިމްގެ އަލަތު ފީޗާ ފިލްމެވެ. އޭނަ ކުރިން ވަނީ "ދަރަކަ" އާއި "މިރާއީ" ކިޔާ ވެބް ސީރީޒްތަކެއް ގެނެސްދީފަ އެވެ. އަޒްހާން ލިޔެ، ޑައިރެކްޓްކޮށްފައިވާ "މީ އިޝްގު" އަކީ ދިވެހި ފިލްމު ސްޓޫޑިއޯގެ އުފެއްދުމެކެވެ.
