އަލީ އަޝްފާގް (ދަގަނޑޭ) އަށް ކްލަބް ވެލެންސިއާގެ ކެޕްޓަން ބޭންޑް ދީފިއެވެ.
ވެލެންސިއާގެ ވައިސް ކެޕްޓަނަކަށް ހަމަޖައްސާފައިވަނީ ދަގަނޑޭއާ އެކު ދާދި ފަހުން އެ ޓީމަށް ސޮއިކުރި އަކްރަމް އަބްދުލްގަނީއެވެ. މިއީ އަކޫ ވެލެންސިއާ އަށް ކުޅޭ ހަތަރު ވަނަ ފަހަރެވެ. އަކޫ އެންމެ ފުރަތަމަ ވެލެންސިއާ އަށް ކުޅުނީ 2006 ވަނަ އަހަރު އެވެ. ދެ ވަނަ ފަހަރަށް ވެލެންސިއާއާ ގުޅުނީ 2013 ވަނަ އަހަރު އެވެ. އަދި ތިން ވަނަ ފަހަރު 2016 ވަނަ އަހަރު އެ ޓީމަށް ކުޅުނެވެ.
ދަގަނޑޭ ވަނީ އޭނާ ކުޅުނު ޓީމުތަކުގެ ތެރެއިން ނިއު ރޭޑިއަންޓް، ވީބީ އައްޑޫ އެފްސީ، ގްރީންސްޓްރީޓްސް އަދި ޓީސީ ސްޕޯޓްސް ކްލަބުގެ ކެޕްޓަން ބޭންޑް ވެސް އަޅައިފައެވެ. އޭނާ ވަނީ ގައުމީ ޓީމުގެ ކެޕްޓަންކަން ވެސް އަހަރުތަކެއްގައި ކޮށްފައެވެ.
އާ ސީޒަނުގައި ވެލެންސިއާ ކުޅޭ ފުރަތަމަ މެޗުގައި ދިރާގު ދިވެހި ޕްރިމިއާ ލީގުގައި މާދަމާރޭ ބައްދަލުކުރާނީ ކްލަބް ގްރީންސްޓްރީޓްސްއާ އެވެ.
ކޮމެންޓު ފޮނުވާ