ފަލަސްތީނުގެ ހަމާސް ޖަމާއަތާއި އިސްރާއީލާއި ދެމެދު ހިގަމުންދަނީ ހަނގުރާމައެއް ނޫންކަމަށާއި، އެއީ ޓެރަރިޒަމް ކަމުގައި ނަސާރާ ދީނުގެ އިސް ފާދިރީ ޕޯޕު ފްރާންސިސް ވިދާޅުވެއްޖެއެވެ.

އޭނާ މިހެން ވިދާޅުވަނީ އިސް ފާދިރީގެ މައި ކިއްލާ ކަމުގައިވާ އިޓަލީގެ އެސްޓީ ޕީޓަރސް ސްކުއާގައި ކޮންމެ ހަފްތާއަކުވެސް އާންމުނާއި ބައްދަލު ކުރެއްވުމަށް ބާއްވަމުންގެންދާ ބައްދަލުވުންތަކުގެ ތެރެއިން މިހަފްތާގެ ބައްދަލުވުމުގައި ވާހަކަ ދައްކަވަމުންނެވެ.

ޕޯޕު ފްރާންސިސް އޭނާގެ ގަނޑުވަރުގައި އޮތް ބައްދަލުވުމަކަށްފަހު ވާހަކަ ދައްކަވަމުން ވިދާޅުވެފައިވަނީ މި ހަނގުރާމާގައި ދެފަރާތަށްވެސް ގުނާ އަދަދު ނުކުރެވޭހާ ގެއްލުން ލިބެމުންދާ ކަމުގައެވެ. އަދި އޭނާ ވިދާޅުވެފައިވަނީ ހަމާސް އިސްރާއީލުގެ ހަނގުރާމަ، ހަނގުރާމައިގެ ހާލަތު ފަހަނައަޅާ ގޮސް، މިހާރު އެއީ ޓެރަރިޒަމަށް ބަދަލުވެފައިވާ ކަމުގައެވެ.

އަހަރެން އެދެނީ އެކީގައި ސުލްހައާއެކީ ކުރިޔަށް ދިއުމަށް. އަހަރެންގެ ބަރަކާތް ވަނީ ތިޔަ ބޭފުޅުންނާއެކު.

ޕޯޕު ވިދާޅުވެފައި ވެއެވެ.

ޕޯޕުވަނީ، ހަމާސްއިން ރަހީނު ކޮށްފައިވާ އިސްރާއީލު މީހުންގެ އައިލާތަކާއި އަދި އައްޒާގައި ތިބި ފަލަސްތީނު މީހުންގެ އައިލާތަކާވެސް ވަކިން ބައްދަލު ކޮށްފައެވެ.