ފުވައްމުލަކު ސިޓީގެ ރަންވޭގަ އޮތް މޯލްޑިވިއަންގެ ބޯޓަކާއި ގްރައުންޑް ހޭންޑްލިން އުޅަނދެއް އެކްސިޑެންޓްވެ ސީރިއަސް އަނިޔާތަކެއް ލިބުނު މީހާ އިތުރު ފަރުވާއަށް މާލެ ގެނެސްފިއެވެ. އެމީހާ މާލެ ގެނެސްފައިވަނީ އެމްއެންޑީއެފްގެ ޑޯނިއާ އެއާކްރާފްޓްގައި ރޭގެ ފަތިހުގެ ވަގުތެއްގައެވެ.
މިޙާދިސާ ހިނގާފައިވަނީ އިއްޔެގެ ވަރަށް ހަވީރުގެ ވަގުތެއްގައެވެ. މިހާދިސާގައި ޒަޚަމްވެފައިވަނީ ގްރައުންޑް ހޭންޑްލިން ވެހިކަލް ދުއްވަން އިން 24 އަހަރުގެ ފިހެނެކެވެ.
މިހާދިސާއާއި ގުޅޭގޮތުން އިއްޔެ ފުވައްމުލަކުން ވާހަކަ ދެއްކި މީހަކު ކިޔައިދީފައިވާ ގޮތުގައި، ގްރައުންޑް ހޭންޑްލިންގައި ބޭނުންކުރާ ވެހިކަލެއް ކޮންޓްރޯލްނުވެ ފުރަމަ މުޑިއަރާފައިވަނީ ރަންވޭ މަތީގައި ހުރި މީހަކާ ކަމަށާއި، އެއަށްފަހު ވެހިކަލް ޖެހުނީ ރަންވޭގައި ޕާކް ކޮށްފައި އޮތް މޯލްޑިވިއަންގެ ބޯޓާ ކަމުގައެވެ. ވެހިކަލް ކޮންޓްރޯލްވީ ބޯޓުގައި ޖެހިގެންކަމަސްވެސް އޭނާ ބުނެފައި ވެއެވެ.
އެމީހާ ކިޔައިދިން ގޮތުގައި މިހާދިސާގައި އަނިޔާވި މީހާ އެމްބިއުލާންސުގައި ހޮސްޕިޓަލަށް ގެންގޮސްފައިވާ ކަމަށާއި، އޭނާއަސް ސީރިއަސް އަނިޔާތަކެއް ލިބިފައިވާކަމަށް ބެލެވޭ ކަމަށެވެ.
މައުލޫމާތު ލިބިފައިވާ ގޮތުގައި މިހާދިސާގައި މޯލްޑިވިއަން ފްލައިޓުގެ ބޮޑިގެ ބައެއްވަނީ ފަޅައިގެން ގޮސްފައެވެ.
ފުވައްމުލަކު ހޮސްޕިޓަލްއިން ބައެއް މީޑިއާތަކަށް މައުލޫމާތު ދީފައިވާ ގޮތުގައި އަނިޔާލުބުނު މީހާއަށް މިހާރުދަނީ އެ ހިސްޕިޓަލުގައި ފަރުވާ ދެމުންކަމުގައެވެ. އަދި އޭނާގެ ހާލު ސީރިއަސްކަމަށްވެސް އެހޮސްޕިޓަލުން މައުލޫމާތު ދީގައި ވެއެވެ.
