މާލެ ސިޓީ ކައުންސިލް ހިންގުމައި ހަވާލުވެ ހުންނެވި އެކައުންސިލްގެ ޑެޕިއުޓީ މޭޔަރު އަހުމަދު ނަރީޝް ރައްޔިތުންގެ މަޖިލިހުގެ އިންތިހާބުގައި ވާދަކުރައްވާނެ ކަން އިއުލާން ކުރެއްވުމަށްހު، އެ އިންތިޚާބުގައި ވާދަ ނުކުރެއްވުމަށް ނިންމައިފިއެވެ.
ނަރީޝް ވާދަކުރައްވާނެ ކަން ފާއިތުވެދިޔަމަހު އިއުލާން ކުރެއްވީ މަޖިލިހުގެ ކުޅުދުއްފުށީ އުތުރު ދާއިރާގެ ގޮނޑިއަށެވެ.
އެހެންނަވަމެވެސް އޭނާ ރޭ ކުރެއްވި ޕޯސްޓެއްގައި ވިދާޅުވީ ކުޅުދުއްފުށީގެ ރޫޙު ހުރީ އެރަށު މީހަކަށް މިފަހަރުވެސް ޖާގަ ދޭގޮތަށްކަން އެގިގެން ހިގައްޖެ ކަމުގައެވެ.
ކުޅުދުއްފުށީ ރޫހު އޮތީ ވަރަށް ބޮޑަށް ވަތަނީކޮށް. ރަށުދަރި ރަށަށް އިންތިހާބުކުރުމުގެ ރޫހުގައިކަން ވަރަށް ބޮޑަށް ފާހަގަވި.
ނަރީޝް ވިދާޅުވި އެވެ.
ނަރީޝް ކުރިން ވިދާޅުވެފައިވަނީ އޭނާ މަޖިލިހަށް ވާދަކުރައްވަން ނިންމެވީ ކުޅުދުއްފުށީ އުތުރު ދާއިރާގެ ގިނަ ރައްޔިތުންގެ އެދުމުގެ މަތިން ކަމުގައެވެ.
19 ވަނަ މަޖިލިހުގައި ކުޅުދުއްފުށި ދެ ދާއިރާގައިވެސް ތިއްބަވަނީ އެރަށް ނިސްބަތްވާ ދެ މެމްބަރުންނެވެ.
ނަރީޝް މާލެ ސިޓީ ކައުންސިލްގެ މެމްބަރު ކަމަށް އިންތިހާބުވެވަޑައިގަތީ 2021 ވަނަ އަހަރުގައެވެ. ރައީސް އިބްރާހިމް މުހައްމަދު ސޯލިހްގެ ސަރުކާރު ވެރިކަމާ ދެކޮޅަށް މާލޭގައި ކުރިއަށް ގެންދިޔަ މުޒާހަރާތަކުގައި އިސް ސަފުގައި އޭނާ ހުންނެވި އިރު، ބައެއް މުޒާހަރާތަކާ ގުޅިގެން އޭނާ ހައްޔަރު ވެސް ކުރިއެވެ.
މީގެއިތުރުން ނަރީޝް ވަނީ ޗެނަލް 13 ގެ ބައެއް ޕްރޮގްރާމްތައް ވެސް ހުށަހަޅުއްވައި ދެއްވައިފައެވެ.
